အိမ်တွင်းနတ်နှင့် ပတ်သက်သော မှတ်ချက်

အိမ်တွင်းနတ်နှင့် ပတ်သက်သော မှတ်ချက်

~~~~~~~~~~~~~~~~~~~~~

အိမ်တွင်းနတ်နဲ့ပတ်သက်ပြီး စာဖတ်ပရိသတ် တစ်ဦးက ဖော်ပြပါအတိုင်း မေးလာပါတယ်။

"တပည့်တော် ရိုသေစွာလျှောက်ထားအပ်ပါသည်။ တပည့်တော် ငယ်ငယ်တုန်းက အိမ်တွင်းအုန်းကို အိမ်မှာတင်ပါတယ်။ တပည့်တော် အမေက ဗုဒ္ဓဘာသာကို ယုံကြည်လာခဲ့တဲ့အချိန် အိမ်တွင်းမထားတော့ပါဘူး။ တပည့်တော်တို့အိမ်မှာ အခုဘုရားစင်တစ်ခုပဲ ရှိပါသည်။ တပည့်တော် မင်္ဂလာဆောင်တော့မယ်ဆိုတော့  တပည့်တော်ယောက္ခမက သူ့တို့သားက သားအကြီးဆုံးမို့  အိမ်တွင်းကိုးကွယ်ရမယ်လို့ ပြောပါတယ်။ ယောက္ခမတွေက ညွန်ချုပ်တို့ ဆရာဝန်တို့ပါ။ သူတို့က ပညာတတ်တွေပါ။

ဒါပေမဲ့ ထေရဝါဒဗုဒ္ဓဘာသာ စစ်စစ်မဟုတ်တော့  တပည့်တော်တို့ကို အတင်းတိုက်တွန်းပါတယ်။ တပည့်တော်ကလည်း ဆရာဝန်တစ်ယောက်ပါ။ ဗုဒ္ဓဘာသာကို ယုံကြည်ပါတယ်။  နတ်စင်ကိုအိမ်မှာမထားချင်ပါဘုရား။ နတ်စင်မထားသင့်တဲ့အကြောင်းလေး Facebook မှာ ဆောင်းပါးလေးတစ်ပုဒ်လောက် ရေးပေးတော်မူပါ လားလို့ အသနားခံ၍ တောင်းပန်လျှေက်ထားပါသည်။ တပည့်တော်အပြင် တခြားသူတွေကိုလည်း သိစေချင်လို့ပါဘုရား။"

ဟုတ်ပါတယ်။ အိမ်တွင်းနတ်၊ အိမ်တွင်းအုန်းဆွဲတာနဲ့ ပတ်သက်ပြီး ဘုန်းဘုန်းကိုယ်တိုင်လည်း မိဘတွေအိမ်မှာ အတော်ပြန်ဖြုတ်ယူရပါတယ်။ အရင်တုန်းကတည်းက ဆွဲခဲ့တဲ့ မိရိုးဖလာ ပူဇော်ပသမှုကို ဖယ်ဖို့ဆိုတော့ အချိန်ယူခဲ့ရပါတယ်။ ပထမဖြုတ်မယ်လို့ စဉ်းစားချိန်မှာ ခမည်းတော်ကြီးက ကျန်းမာရေးဖောက်ပြီး အရေးပေါ် ရောက်လာလို့ မဖြုတ်ဖြစ်ခဲ့ပါဘူး။ တကယ်လို့ အဲဒီအချိန်မှာ အိမ်တွင်းနတ်အုန်းဖယ်တာနဲ့ ကြုံရင် ဒါဖြုတ်လို့ဆိုတဲ့ အစွဲတွေ ဝင်သွားမှာ အသေအချာပါပဲ။

နောက်တစ်ခါ ဖြုတ်မယ်ဆိုတော့လည်း ညီမတစ်ယောက်က ဆိုင်ကယ်မှောက်ပြီး ခြေကျိုးပါတယ်။ အဲဒီအချိန် နတ်အုန်းဖြုတ်တာနဲ့ကြုံရင် ဒါကြောင့်ဆိုတာမျိုး အစွဲတွေဖြစ်မှာ အမှန်ပါ။ အိမ်မှာ ဘယ်သူဘာမှ မဖြစ်တဲ့အချိန်ကျမှ နတ်အုန်းဖယ်ခဲ့တာ ခုတော့ အိမ်မှာ အိမ်တွင်းနတ်နဲ့ အိမ်တွင်းအုန်းဆွဲတာတွေ မရှိတော့ပါဘူး။ အိမ်တွင်းအုန်းဖယ်လိုက်တဲ့အတွက် ဘယ်သူဘာဖြစ်လဲဆိုတော့ ဘာမှမဖြစ်ပါဘူး။ ဖြစ်ဖို့ကံပါလာရင်တော့ အိမ်တွင်းနတ်အုန်းဆွဲဆွဲ မဆွဲဆွဲ ဖြစ်မှာပါပဲ။

ပြောချင်တာက မိရိုးဖလာ ယုံကြည်မှုတွေရဲ့ အစွဲအလန်းတွေဟာ ထေရဝါဒ ဗုဒ္ဓဘာသာ အရတော့ အားပေးစရာ မရှိပါဘူး။ ထေရဝါဒ ဗုဒ္ဓဘာသာစစ်စစ် တစ်ယောက်ရဲ့ ယုံကြည်မှုဟာ "ဘုရား၊ တရား၊ သံဃာ ရတနာသုံးပါးနဲ့ ကံကံ၏အကျိုးကို ယုံကြည်မှု"သက်သက်ဆိုရင် လုံလောက်ပါပြီ။ ကျန်တဲ့အယူဝါဒတွေဆိုတာဟာ မှန်ကန်တဲ့ယုံကြည်မှုမျိုး မဖြစ်နိုင်ပါဘူး။

ဒါပေမယ့် ကိုးကွယ်ခြင်းနဲ့ ပူဇော်ပသခြင်းဆိုတာမျိုးကို ခွဲခြားထားတယ်ဆိုရင်တော့ အထူးပြောစရာ မရှိပါဘူး။ ထေရဝါဒဗုဒ္ဓဘာသာ စစ်စစ်ရဲ့ ကိုးကွယ်မှုဟာ ရတနာသုံးပါးပါပဲ။ ပူဇော်ပသတာကတော့ မိရိုးဖလာသဘောမျိုး လုပ်လို့ရပါတယ်။ ပူဇော်ပသရမှာကို ကိုးကွယ်တဲ့အဆင့်ရောက်သွားတာမျိုး၊ ကိုးကွယ်ရာ ရတနာသုံးပါးကို ပူဇော်ပသရုံလောက် ဖြစ်သွားတာမျိုးကတော့ လမ်းလွဲသွားစေတော့တာ ဖြစ်ပါတယ်။

သေချာတာကတော့ အိမ်တွင်းနတ်အုန်းမဆွဲတဲ့အတွက်ကြောင့် ဘာဖြစ်တယ်၊ ညာဖြစ်တယ်ဆိုတာမျိုး မရှိပါဘူး။ ဖြစ်လာခဲ့ရင်လည်း ဒါဟာ တိုက်ဆိုင်မှုပါ။ ကိုယ့်ရဲ့အတိတ်ကံ ပစ္စုပ္ပန်ကံတွေရဲ့ အကျိုးပေးချိန်နဲ့ အခါအခွင့်သင့်မှုကြောင့်ပဲ ကောင်းတာဆိုးတာ ဖြစ်လာတတ်တာပါ။ အိမ်စောင့်နတ်၊ ကျောင်းစောင့်နတ် စတာတွေ မရှိဘူးမဟုတ်ဘူး။ ရှိပါတယ်။ ရှိတယ်ဆိုတဲ့အတွက် တခမ်းတနား ကိုးကွယ်ထားဖို့တော့ မဟုတ်ပါဘူး။ အဲဒီနတ်တွေ ကိုယ်တိုင်လည်း ဒီလိုခမ်းနားကြီးကျယ်စွာ ကိုးကွယ်တာထက် သူတို့ကို မေတ္တာပို့ပေး၊ ပြုသမျှ ကုသိုလ်အဖို့ကို အမျှဝေပေးတာမျိုးကို လိုလားတာဖြစ်ပါတယ်။

တကယ်တော့ အိမ်စောင့်နတ်ဆိုတာ အိမ်ရှိလို့ရောက်လာတာ၊ ကျောင်းစောင့်နတ်ဆိုတာ ကျောင်းရှိလို့ ရောက်လာတာပါ။ သူတို့ကိုယ်တိုင်က အမှီပြုနေရတဲ့ဘဝဆိုတော့ သူများကို မစဖို့ဆိုတာ မလွယ်လှပေဘူး။ သူတို့ရဲ့ ကူညီစောင့်ရှောက်မှုကို ရချင်ရင် ခုနပြောခဲ့သလို၊ မေတ္တာပို့၊ အမျှဝေပေးပေါ့။ ဒီလောက် လုပ်ပေးရင်ကို အိမ်စောင့်နတ်၊ အိမ်တွင်းနတ် စတာတွေနဲ့ ပတ်သက်ပြီး ကိုယ့်ဘက်က လုပ်ဆောင်ပေးချက်ဟာ လုံလောက်သွားပါပြီ။ သူတို့ဆန္ဒနဲ့လည်း တစ်ထပ်တည်း ကျသွားပါပြီပေါ့။

ဒါကြောင့် အိမ်တွင်းအုန်းဆွဲခြင်း၊ မဆွဲခြင်းဟာ ထေရဝါဒ ဗုဒ္ဓဘာသာဝင် တစ်ယောက်အတွက် အဓိကကျတဲ့ ကိုးကွယ်ယုံကြည်မှု မဟုတ်တဲ့အတွက် မဆွဲလည်း ဘာမှမဖြစ်ပါဘူး။ ရတနာသုံးပါးထက်ပိုပြီး ယုံကြည်ကိုးကွယ်တာမျိုး မဟုတ်ဘဲ မိရိုးဖလာ ပူဇော်ပသတဲ့ အနေနဲ့ နတ်အုန်းချိတ်ဆွဲတာဆိုရင်လည်း အထူးပြောစရာ မရှိပါဘူး။ အရေးကြီးဆုံးက ကိုးကွယ်ရာနဲ့ ပူဇော်ပသရာ ကွဲပြားစွာ ခွဲခြားတတ်ဖို့နဲ့ ပူဇော်ပသတာတွေကို ပယ်စွန့်ပြီး ရတနာသုံးပါး ကံကံ၏အကျိုး သက်သက်ကိုသာ အသက်နဲ့အမျှ ယုံကြည်ကိုးကွယ်ကြမယ်ဆိုရင်တော့ ဗုဒ္ဓအလိုကျ ထေရဝါဒ ဗုဒ္ဓဘာသာတွေ ဖြစ်နေမှာ အမှန်ပဲ မဟုတ်လား။

မေတ္တာဖြင့်
မနာပ ဒါယီ အရှင်ဝိစိတ္တ