တတိယအကြိမ် ပဋိစ္စသမုပ္ပါဒ်ရှင်းတမ်း
❆ ★ ★ ★ ★ ★ ★ ★ ★ ★ ★ ❆
ပဋိစ္စသမုပ္ပါဒ်မှ နားမလည်ရင် အနိစ္စ၊ ဒုက္ခ၊ အနတ္တမြင်ဖို့ဝေးစွ အတ္တဒိဋ္ဌိခေါ်တဲ့ သက္ကာယဒိဋ္ဌိ ဘယ်တော့မှ မပြုတ်ဘူးမှတ်ပါ။ ပြုတ်မယ်ထင်တယ်လို့ သံသယမရှိနဲ့.. ဖြုတ်လို့ကို မရတာ။ ဒီဒိဋ္ဌိကြီး ကပ်နေလျက်နဲ့ အားထုတ်နေရင် ကုသိုလ်တော့ရမယ်၊ နိဗ္ဗာန်တော့ မရနိုင်ဘူးဆိုတာ တထစ်ချဆုံးဖြတ်ချက်ချပါ။
ခန္ဓာဖြစ်စဉ်ဖြစ်တဲ့ ပဋိစ္စသမုပ္ပါဒ်ကို ရှင်းရှင်းလင်းလင်း နားလည်ထားမှ အနိစ္စ၊ ဒုက္ခ၊ အနတ္တရယ်လို့ လုပ်ပါ။ ဒါမှ မြန်မြန်ခရီးရောက်မယ်။ ဒီလိုမှ နားလည်ထားခြင်းမရှိဘဲ ရမ်းကျင့်၊ မှန်းကျင့်၊ အကန်းကျင့် ကျင့်နေလို့ကတော့ "ပိုးသာကုန် မောင်ပုံ စောင်းမတတ်"ဆိုသလို အားထုတ်ပေမယ့် ထိထိမိမိ ပညာသိနှင့် မသိနိုင်ပါဘူး။ ဒီအခါမှာ ကိုယ်လိုချင်တာက နိဗ္ဗာန်၊ ရလာတာက ကုသိုလ်ဆိုတော့ ကိုယ်လိုချင်တဲ့ပန်းတိုင်ကို မရောက်နိုင်ပါဘူး။
ပဋိစ္စသမုပ္ပါဒ်စက်ဝိုင်းကိုကြည့်ပါ ဓမ္မမိတ်ဆွေ။
စာလုံးအကြီးနဲ့ရေးထားတဲ့ အဝိဇ္ဇာဆိုတာ တွေ့ရမယ်။ အဝိဇ္ဇာဆိုတာ သတ္တဝါတွေရဲ့ ဖြစ်ကြောင်းအစပဲ။ သတ္တဝါဘယ်ကစသလဲမေးရင် အဝိဇ္ဇာဆိုတဲ့ သစ္စာလေးပါးကို မသိခြင်းကစတယ်လို့ ရဲရဲသာဖြေလိုက်။ သစ္စာလေးပါးကိုမသိလေတော့ လှူဒါန်းပေးကမ်းပြီး ကောင်းမှုပြုပေမယ့် လူချမ်းသာ၊ နတ်ချမ်းသာ၊ ဗြဟ္မာချမ်းသာတွေကို ဆုတောင်းကြတော့ ဒီချမ်းသာအားလုံးဟာ ပဋိစ္စသမုပ္ပါဒ်နဲ့ကြည့်လိုက်တဲ့အခါ ဒုက္ခသစ္စာပဲ ဖြစ်ပါတယ်။ အဝိဇ္ဇာပစ္စယာ သင်္ခါရာဆိုတော့ သင်္ခါရဆိုတာ ကုသိုလ်၊ အကုသိုလ်တွေပဲ။ ဒီကုသိုလ်၊ အကုသိုလ်မှန်သမျှဟာ သမုဒယသစ္စာတွေပဲ။ ဒီသမုဒယလုပ်နေရင် ဒုက္ခသစ္စာပဲ အမှန်ရမယ်မှတ်ပါ။
ဟိုးအတိတ်က အဝိဇ္ဇာသင်္ခါရကြောင့် အခုဘဝ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ပစ္စုန်ပ္ပန်ဒုက္ခသစ္စာကို ရလာတာပဲ။ ဒီအင်္ဂါငါးပါးဟာ ခန္ဓာငါးပါးပဲ။ ခန္ဓာငါးပါးစလုံး ဒုက္ခသစ္စာချည်းပဲမှတ်ပါ။ လိုချင်တာက နိဗ္ဗာန်၊ လုပ်နေတာက သမုဒယ၊ ရလာတာက ဒုက္ခ။ လိုချင်တာက ချမ်းသာ၊ ရလာတာက ဆင်းရဲ၊ ဒီပုတ်ထဲက ဒီပဲဘဝနဲ့ပဲ အဆုံးသတ်လိုက် အစပြုလိုက်နဲ့ သံသရာရဟတ် တဖန်လည်ကြရဦးမယ်။ အဲ့ဒါ သစ္စာမသိခြင်းပဲ။ ချမ်းသာ ရနေသလား၊ ဆင်းရဲ ရနေသလား ဟုတ်,မဟုတ် သိချင်ရင် ခန္ဓာကို စစ်ကြည့်လိုက်ပါ။ ထိုင်ကြည့်လိုက်ပါ။ ထိုင်ကြည့်လိုက်ရင် ခန္ဓာက ညောင်းလာမယ်။ ကိုက်ခဲလာမယ်။ အောင့်လာမယ်။ ပူလာမယ်။ ယားလာမယ်။ တောင့်တင်းလာမယ်။ ဒီသဘောအားလုံးဟာ ဘာများချမ်းသာသလဲ၊ ဆင်းရဲသက်သက်ပဲဆိုတာ စိစစ်ကြည့်လိုက်ရင် ထင်ရှားသိသာနိုင်ပါတယ်။ ဒီဒုက္ခကို ငါတပ်လိုက်တော့ ပိုးဆိုးသွားရော... ငါ့ခြေထောက်နာတယ်၊ ငါ့ခါးနာတယ်၊ ငါ့ရင်ပူတယ်၊ ငါ့ကျောအောင့်တယ်ဆိုတဲ့ ငါတစ်လုံးဝင်ရှုပ်လိုက်တော့ ငါနောက်ကနေ ဒေါမနဿဝင်လိုက်တော့ ပိုပြီး ရှုပ်ထွေးသွားတော့တယ်။
ဒီနေရာမှာ ဘယ်အနားက နာနာ၊ အောင့်အောင့်၊ ကိုက်ကိုက် ငါမဟုတ်ဘူးလို့သာ သိနေလိုက်ပါ။ ဓမ္မသဘာဝအတိုင်း ရိုးရိုးလေးဖြစ်တဲ့ အရှိသဘောကို ဉာဏ်အသိနှင့် ကြည့်နေနိုင်မယ်ဆိုရင် ခန္ဓာရဲ့ ဒုက္ခသစ္စာကို ရှင်းရှင်းလင်းလင်း သိမြင်လာနိုင်ပါတယ်။ ခန္ဓာရဲ့သဘောသဘာဝဟာ ဖြစ်နေပျက်နေပါလားလို့ အမှန်အတိုင်း သိမြင်လာပါလိမ့်မယ်။ ဒီသဘောမှာလည်း ကြောင်းကျိုးမကင်းဘဲ ဖြစ်နေတာတွေ့ရမယ်။ အကြောင်းဖြစ်တဲ့ သင်္ခါရတရားတို့က ဖြစ်ပျက်နေကြလို့ အကျိုးဖြစ်တဲ့ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာတို့ဟာလည်း ဖြစ်ပျက်နေကြတယ်လို့ သိလာရင် အနတ္တဉာဏ်အမြင် ဖြစ်လာနိုင်ပါတယ်။ ဒီလိုအနတ္တဉာဏ်အမြင်ဖြစ်လာရင် အကြောင်းအနတ္တမို့ အကျိုးလည်း အနတ္တဖြစ်တယ်။ မရချင်၊ မလိုချင်တဲ့ဒုက္ခကြီးကို ရနေတယ်ဆိုတာဟာလည်း အနတ္တဖြစ်ပါတယ်။ ဒီလိုသာ ရှင်းရှင်းလင်းလင်း တစ်ချက်မြင်သွားတာနဲ့ မမြဲခြင်းတရားတွေကို သိပ်ပြီး မတုန်မလှုပ်တော့သလို ထိတ်ထိတ်ပျာပျာလည်း မဖြစ်တော့ပါဘူး။ ကြောင်းကျိုးဖြစ်စဉ်ကို နားလည်လိုက်ရင် အရာရာဟာ ဓမ္မသဘာဝအတိုင်းပါပဲ။
ဆက်ပါဦးမည်
Yarzar
facebook သို့ 
❆ ★ ★ ★ ★ ★ ★ ★ ★ ★ ★ ❆
ပဋိစ္စသမုပ္ပါဒ်မှ နားမလည်ရင် အနိစ္စ၊ ဒုက္ခ၊ အနတ္တမြင်ဖို့ဝေးစွ အတ္တဒိဋ္ဌိခေါ်တဲ့ သက္ကာယဒိဋ္ဌိ ဘယ်တော့မှ မပြုတ်ဘူးမှတ်ပါ။ ပြုတ်မယ်ထင်တယ်လို့ သံသယမရှိနဲ့.. ဖြုတ်လို့ကို မရတာ။ ဒီဒိဋ္ဌိကြီး ကပ်နေလျက်နဲ့ အားထုတ်နေရင် ကုသိုလ်တော့ရမယ်၊ နိဗ္ဗာန်တော့ မရနိုင်ဘူးဆိုတာ တထစ်ချဆုံးဖြတ်ချက်ချပါ။
ခန္ဓာဖြစ်စဉ်ဖြစ်တဲ့ ပဋိစ္စသမုပ္ပါဒ်ကို ရှင်းရှင်းလင်းလင်း နားလည်ထားမှ အနိစ္စ၊ ဒုက္ခ၊ အနတ္တရယ်လို့ လုပ်ပါ။ ဒါမှ မြန်မြန်ခရီးရောက်မယ်။ ဒီလိုမှ နားလည်ထားခြင်းမရှိဘဲ ရမ်းကျင့်၊ မှန်းကျင့်၊ အကန်းကျင့် ကျင့်နေလို့ကတော့ "ပိုးသာကုန် မောင်ပုံ စောင်းမတတ်"ဆိုသလို အားထုတ်ပေမယ့် ထိထိမိမိ ပညာသိနှင့် မသိနိုင်ပါဘူး။ ဒီအခါမှာ ကိုယ်လိုချင်တာက နိဗ္ဗာန်၊ ရလာတာက ကုသိုလ်ဆိုတော့ ကိုယ်လိုချင်တဲ့ပန်းတိုင်ကို မရောက်နိုင်ပါဘူး။
ပဋိစ္စသမုပ္ပါဒ်စက်ဝိုင်းကိုကြည့်ပါ ဓမ္မမိတ်ဆွေ။
စာလုံးအကြီးနဲ့ရေးထားတဲ့ အဝိဇ္ဇာဆိုတာ တွေ့ရမယ်။ အဝိဇ္ဇာဆိုတာ သတ္တဝါတွေရဲ့ ဖြစ်ကြောင်းအစပဲ။ သတ္တဝါဘယ်ကစသလဲမေးရင် အဝိဇ္ဇာဆိုတဲ့ သစ္စာလေးပါးကို မသိခြင်းကစတယ်လို့ ရဲရဲသာဖြေလိုက်။ သစ္စာလေးပါးကိုမသိလေတော့ လှူဒါန်းပေးကမ်းပြီး ကောင်းမှုပြုပေမယ့် လူချမ်းသာ၊ နတ်ချမ်းသာ၊ ဗြဟ္မာချမ်းသာတွေကို ဆုတောင်းကြတော့ ဒီချမ်းသာအားလုံးဟာ ပဋိစ္စသမုပ္ပါဒ်နဲ့ကြည့်လိုက်တဲ့အခါ ဒုက္ခသစ္စာပဲ ဖြစ်ပါတယ်။ အဝိဇ္ဇာပစ္စယာ သင်္ခါရာဆိုတော့ သင်္ခါရဆိုတာ ကုသိုလ်၊ အကုသိုလ်တွေပဲ။ ဒီကုသိုလ်၊ အကုသိုလ်မှန်သမျှဟာ သမုဒယသစ္စာတွေပဲ။ ဒီသမုဒယလုပ်နေရင် ဒုက္ခသစ္စာပဲ အမှန်ရမယ်မှတ်ပါ။
ဟိုးအတိတ်က အဝိဇ္ဇာသင်္ခါရကြောင့် အခုဘဝ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ပစ္စုန်ပ္ပန်ဒုက္ခသစ္စာကို ရလာတာပဲ။ ဒီအင်္ဂါငါးပါးဟာ ခန္ဓာငါးပါးပဲ။ ခန္ဓာငါးပါးစလုံး ဒုက္ခသစ္စာချည်းပဲမှတ်ပါ။ လိုချင်တာက နိဗ္ဗာန်၊ လုပ်နေတာက သမုဒယ၊ ရလာတာက ဒုက္ခ။ လိုချင်တာက ချမ်းသာ၊ ရလာတာက ဆင်းရဲ၊ ဒီပုတ်ထဲက ဒီပဲဘဝနဲ့ပဲ အဆုံးသတ်လိုက် အစပြုလိုက်နဲ့ သံသရာရဟတ် တဖန်လည်ကြရဦးမယ်။ အဲ့ဒါ သစ္စာမသိခြင်းပဲ။ ချမ်းသာ ရနေသလား၊ ဆင်းရဲ ရနေသလား ဟုတ်,မဟုတ် သိချင်ရင် ခန္ဓာကို စစ်ကြည့်လိုက်ပါ။ ထိုင်ကြည့်လိုက်ပါ။ ထိုင်ကြည့်လိုက်ရင် ခန္ဓာက ညောင်းလာမယ်။ ကိုက်ခဲလာမယ်။ အောင့်လာမယ်။ ပူလာမယ်။ ယားလာမယ်။ တောင့်တင်းလာမယ်။ ဒီသဘောအားလုံးဟာ ဘာများချမ်းသာသလဲ၊ ဆင်းရဲသက်သက်ပဲဆိုတာ စိစစ်ကြည့်လိုက်ရင် ထင်ရှားသိသာနိုင်ပါတယ်။ ဒီဒုက္ခကို ငါတပ်လိုက်တော့ ပိုးဆိုးသွားရော... ငါ့ခြေထောက်နာတယ်၊ ငါ့ခါးနာတယ်၊ ငါ့ရင်ပူတယ်၊ ငါ့ကျောအောင့်တယ်ဆိုတဲ့ ငါတစ်လုံးဝင်ရှုပ်လိုက်တော့ ငါနောက်ကနေ ဒေါမနဿဝင်လိုက်တော့ ပိုပြီး ရှုပ်ထွေးသွားတော့တယ်။
ဒီနေရာမှာ ဘယ်အနားက နာနာ၊ အောင့်အောင့်၊ ကိုက်ကိုက် ငါမဟုတ်ဘူးလို့သာ သိနေလိုက်ပါ။ ဓမ္မသဘာဝအတိုင်း ရိုးရိုးလေးဖြစ်တဲ့ အရှိသဘောကို ဉာဏ်အသိနှင့် ကြည့်နေနိုင်မယ်ဆိုရင် ခန္ဓာရဲ့ ဒုက္ခသစ္စာကို ရှင်းရှင်းလင်းလင်း သိမြင်လာနိုင်ပါတယ်။ ခန္ဓာရဲ့သဘောသဘာဝဟာ ဖြစ်နေပျက်နေပါလားလို့ အမှန်အတိုင်း သိမြင်လာပါလိမ့်မယ်။ ဒီသဘောမှာလည်း ကြောင်းကျိုးမကင်းဘဲ ဖြစ်နေတာတွေ့ရမယ်။ အကြောင်းဖြစ်တဲ့ သင်္ခါရတရားတို့က ဖြစ်ပျက်နေကြလို့ အကျိုးဖြစ်တဲ့ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာတို့ဟာလည်း ဖြစ်ပျက်နေကြတယ်လို့ သိလာရင် အနတ္တဉာဏ်အမြင် ဖြစ်လာနိုင်ပါတယ်။ ဒီလိုအနတ္တဉာဏ်အမြင်ဖြစ်လာရင် အကြောင်းအနတ္တမို့ အကျိုးလည်း အနတ္တဖြစ်တယ်။ မရချင်၊ မလိုချင်တဲ့ဒုက္ခကြီးကို ရနေတယ်ဆိုတာဟာလည်း အနတ္တဖြစ်ပါတယ်။ ဒီလိုသာ ရှင်းရှင်းလင်းလင်း တစ်ချက်မြင်သွားတာနဲ့ မမြဲခြင်းတရားတွေကို သိပ်ပြီး မတုန်မလှုပ်တော့သလို ထိတ်ထိတ်ပျာပျာလည်း မဖြစ်တော့ပါဘူး။ ကြောင်းကျိုးဖြစ်စဉ်ကို နားလည်လိုက်ရင် အရာရာဟာ ဓမ္မသဘာဝအတိုင်းပါပဲ။
ဆက်ပါဦးမည်
Yarzar
facebook သို့ 
Myanmar Kyat Converter
0 comments:
Post a Comment