ဆုကို ဘာကြောင့်တောင်းကြတာလဲ

ဆုကို ဘာကြောင့်တောင်းကြတာလဲ
*******************************
လူငယ်လေးတစ်ယောက်က လာမေးသွားတယ်။
“ဆုကို ဘုရားမှာ ဘာကြောင့်တောင်းရတာလဲ”တဲ့။
သူသိချင်တာက ဘုရားမှာပဲ ဆုတောင်းရတာလား
ဒီပြင်အခြားနေရာမှာကော ဆုတောင်းလို့ မရဘူးလား။
ဆုက မတောင်းပဲကော မရဘူးလားလို့ မေးချင်တာကို
မမေးတတ်တော့ သူမေးတတ်သလို မေးသွားခဲ့တာပါ။
★ “အကြင်ပုဂ္ဂိုလ်သည် အခြေခံလိုအပ်ချက်ဖြစ်တဲ့
ကုသိုလ်ကောင်းမှုတို့ကိုကား ပြုလုပ်၏။ သို့သော်ကား
ထိုသူသည် ဆုတောင်းခြင်းအမှုကိုကား မပြုလုပ်။
ထိုသူ၏ လားရောက်ရာ ဘုံဘ၀ဂတိသည် မသေချာ”လို့
ရှင်တော်မြတ်ဘုရားက ဟောကြားတော်မူခဲ့ပါတယ်။
ဘုရားရှင်က “ကောင်ကင်သို့ ပစ်လွှတ်အပ်သော တုတ်သည်
မြေပြင်ပေါ်သို့ အဖျားဖြင့် ကျရောက်မည်လား
အရင်းဖြင့်ကျရောက်မည်လား အလယ်သားဖြင့်
ကျရောက်မည်လားဆိုတာ မသေချာသကဲ့သို့
ကုသိုလ်ကောင်းမှုပြုလုပ်ပြီးတော့ ဆုမတောင်းသောသူ၏
လားရောက်ဂတိသည်လည်း မသေချာမရေရာ”
ဥပမာလေးနဲ့လဲ ဟောကြားတော်မူခဲ့ပါသေးတယ်။
★ဦးဇင်းတို့ ဇာတိရပ်ရွာဘက်မှာက လုပ်အားခကို
အလုပ်သမားက တောင်းတဲ့အရာကို ပေးကြပါတယ်။
ရန်ကုန်မှာလို ပိုက်ဆံတစ်ခုကိုပဲ လုပ်အားခပေးတာမဟုတ်ပါဘူး။
ဆိုပါတော့ ဦးဇင်းက အလုပ်သမား တစ်ယောက်ကို ငှါးလိုက်တယ်။
အလုပ်ပြီးတဲ့အခါမှာ “ဒကာရေ မင်းလုပ်အားခကို ဆန်ယူမလား
ဆီယူမလား ပဲယူမလား စပါးယူမလား မြေပဲတောင့်ယူမလား
ပြောင်းဖူးဆန်မလား ပိုက်ဆံပဲယူမလား”လို့ မေးရပါတယ်။
ဒီအခါမှာသူက သူလိုချင်တဲ့အရာကို တောင်းပါတယ်။
သူက ဆန်ယူမယ်ဆိုရင်လဲ ဦးဇင်းက ဆန်ပေးလိုက်ရုံပဲပေါ့။
★ သူက“ ကြိုက်တာပေးပါလို့ပြောရင်ပဲဖြစ်ဖြစ် ဘာယူရမှန်းမသိလို့
မပြောတတ်ဘူးပဲဖြစ်ဖြစ်” အဲဒီလိုအခါမျိုးကြတော့ ဦးဇင်းက
ဦးဇင်းအဆင်ပြေသာလေး ထည့်ပေးလိုက်တယ်။
ဥိးဇင်းထည့်ပေးလိုက်တာဟာ သူ့အတွက်
အသုံးကျချင်လဲ ကျမယ် မကျချင်လဲ မကျဘူး။
ဒါပေမယ့် ဥိးဇင်းပေးတာပဲ သူယူသွားရတော့တယ်။
ဒီလိုမျိုး ဦးဇင်းပေးတာကို မယူချင်ရင် အစကထဲက
ဘာယူမှာလဲ မေးနေကထဲက လိုချင်တာကို
ယူချင်တာကို ပြောပေါ့။ သူမပြောတော့ ကိုယ်လဲ
အဆင်ပြေတာပဲ ပေးလိုက်ရတော့တာပေါ့။
★ ကုသိုလ်တွေ လုပ်ထားရင် လိုချင်တာကို ရနိုင်တယ်လို့
ကိုယ်က သိထားတယ်။ ဒါပေမယ့် ကုသိုလ်တွေလုပ်ပြီးတော့
လိုချင်တာ ရချင်တာကို မတောင်းဘူးဆိုရင် ကုသိုလ်ကံက
သူပေးချင်တဲ့အရာကို ပေးလိုက်မှာပဲ။ သူကတော့
ကောင်းမယ်ထင်တာကို ပေးလိုက်တာဖြစ်ချင်ဖြစ်မှာပေါ့။
ဒါပေမယ့် ကောင်းတာတိုင်းကို ကိုယ်က ကြိုက်ချင်မှကြိုက်မှာလေ။
ဒီလိုမဖြစ်ချင်ရင်တော့ ဆုတောင်းပေါ့။
ဆုက မတောင်းပဲမရဘူးလားဆိုတဲ့ မေးခွန်းကို
ဖြေရမယ်ဆိုရင် မတောင်းပဲ ရတော့ရတယ်။ ဒါပေမယ့်
ရတဲ့ဆုဟာ ကိုယ်လိုချင်တာတော့ ဖြစ်ချင်မှဖြစ်မယ်။
ဆုတောင်းပြည့်တယ်ဆိုတာ ကိုယ်လုပ်ထားတဲ့
လုပ်အားခက ထိုက်တန်စွာရရှိတာပဲဖြစ်တယ်။
ဘာမှ မလုပ်ပဲ အချောင်ရရှိတဲ့အရာမဟုတ်ဘူး။
★ ဒီလောက်ဆိုရင် ဆုကိုဘာ့အတွက်ကြောင့် တောင်းရတယ်
ဆုက မတောင်းပဲမရဘူးလားဆိုတာနဲ့ ပတ်သက်လို့
ရှင်းသွားလောက်ပြီလို့ ယူဆတယ်။ ဒါကြောင့်
အခုဆက်ပြောချင်တာက ဆုကို ဘုရားမှာပဲ
တောင်းရတာလားဆိုတာနဲ့ ပတ်သက်လို့ ပြောချင်တယ်။
ဆုကို ဘုရားမှာမှမဟုတ်ဘူး။ ဘယ်မှာမဆိုတောင်းလို့ရတယ်။
ဒါပေမယ့် အဲဒီလူဟာ ကိုယ်အမှန်တကယ် လေးစားတဲ့သူ
ဖြစ်ဖို့တော့ လိုအပ်တယ်။ လူဆိုတာ ကိုယ်လေးစားတဲ့သူကို
ပေးထားတဲ့ကတိနဲ့ ကိုယ်မလေးစားတဲ့သူကို ပေးထားတဲ့ကတိ
သာမာန်လူတစ်ယောက်ကို ပေးထားတဲ့ကတိသုံးမျိုးထဲက
ဘယ့်သူ့ကို ပေးထားတဲ့ကတိကို ပိုပြီးတော့
တည်အောင်ကြိုးစားမလဲ။ သေချာစဉ်းစားကြည့်ပါ။
★ တကယ်တော့ ဆုတောင်းတယ်ဆိုတာက ကတိပေးလိုက်တာပဲ။
ကျွန်တော်ဟာ ဒီလိုဖြစ်ချင်ပါတယ်။ ဒီလိုဖြစ်အောင်လို့
ဒီလိုဖြစ်အောင်လုပ်ရတဲ့ အလုပ်တွေကို ကြိုးကြိုးစားစား
လုပ်ပါ့မယ်လို့ ကတိပေးလိုက်တာပဲ။ ထေရ၀ါဒဗုဒ္ဓဘာသာရဲ့
ဆုတောင်းတယ်ဆိုတဲ့ကိစ္စဟာ တန်ရာတန်ကြေးကို ပေးဝယ်တာပဲ။
သူများဆီကနေ လက်ဖြန့်ခံပြီးတော့ အချောင်
အလကား တောင်းယူနေတာမဟုတ်ဘူး။
စိတ်ဓာတ်ခိုင်မာတဲ့သူများ ကိုယ့်ကိုယုံကြည်မှုရှိတဲ့သူများကတော့
ဘယ်သူ့ကိုမှ ကတိမပေးဘူး။ ကတိပေးနေစရာမလိုဘူး။
ကိုယ်စိတ်ထဲကဖြစ်ချင်တာကို ဖြစ်အောင်
ကိုယ့်ဘာသာ မှန်မှန်လုပ်သွားကြတာပဲ။
★ အလောင်းတော်သုမေဓာရှင်ရသေ့ဟာ
ဒီပင်္ကရာမြတ်စွာဘုရားဆီမှာ တပည့်တော်
ဘုရားဖြစ်ရပါလို၏လို့ ပါးစပ်ကနေ
ထုတ်ပြီးတော့ ဆုတောင်းခဲ့တာမဟုတ်ဘူး။
ငါလဲ သူ့လိုမျိုး လောကအကျိုးသယ်ပိုးဆောင်ရွက်နိုင်တဲ့
ဘုရားဖြစ်အောင်လုပ်မယ်လို့ စိတ်ထဲကနေ
ဆုံးဖြတ်လိုက်တာဖြစ်တယ်။ ဒါကို ဗုဒ္ဓ၀င်ကျမ်းပြု
ဆရာတွေက ဆုတောင်းတယ်လို့ ပြောခဲ့ကြတာဖြစ်တယ်။
ကိုယ့်ဆုံးဖြတ်ချက်ကို ကိုယ်လေးစားပြိးတော့ ဆုံးဖြတ်ချက်အတိုင်း
ဖြစ်အောင်လုပ်နိုင်တဲ့သူတွေက သူတစ်ပါးကို ပါးစပ်ကနေ
ထုတ်ပြီးတော့ ကတိပေးနေစရာ သို့ ဆုတောင်းနေစရာမလိုဘူး။
ကိုယ့်ဆုံးဖြတ်ချက်ကို ကိုယ်လေးစားဖို့ မသေချာဘူး။
ဆုံးဖြတ်ချက်အတိုင်း ဖြစ်အောင်လုပ်ဖို့ မသေချာဘူးဆိုရင်တော့
ကိုယ်အမှန်တကယ်လေးစားရတဲ့သူကို ကတိပေးတာ
သို့ ဆုတောင်းတာဟာ လုပ်သင့်တယ်။
★ ဘာဖြစ်လို့လဲဆိုတော့ သူ့ကိုလေးစားတဲ့စိတ်ကြောင့်
မဖြစ်ဖြစ်အောင် လုပ်သွားနိုင်ခြင်းဆိုတဲ့
အကျိုးကျေးဇူးကို ရရှိခံစားနိုင်လို့ပါ။
ဒါဆိုရင် ဆုက ဘုရားမှာပဲ တောင်းရတာလားဆိုတဲ့
မေးခွန်းနဲ့ ပတ်သက်လို့လဲ ရှင်းသွားလောက်ပြီလို့ ထင်ပါတယ်။
“ဆုတော့တောင်းပါရဲ့ အဲဒီဆုတောင်းပြည့်ဖို့အတွက်
ထိုက်တန်တဲ့အလုပ်ကို မလုပ်ဘူးဆိုရင်
ဆုတောင်းမပြည့်ဘူး”လို့ ဘုရားရှင်က
အတိအလင်း ဟောကြားခဲ့ပြီးပြီဖြစ်တယ်။
ဆုတောင်းတယ်ဆိုတာဟာ ကိုယ်လိုချင်တဲ့အရာကို
ပြတ်ပြတ်သားသား ဆုံးဖြတ်လိုက်တာပဲဖြစ်တယ်။
ပြီးတော့ အဲဒီအရာကို ရဖို့အတွက်
သူနဲ့ထိုက်တန်တဲ့ အလုပ်ကို လုပ်ရမယ်။
★ ဒါကြောင့် အနှစ်ချုပ်လိုက်ရင်
ဆုက တောင်းကို တောင်းရမှာပါ။
ဆုမတောင်းတဲ့သူဟာ တော်တော်ကြီးကို
မိုက်မဲတဲ့သူပဲလို့ ပြောချင်တယ်။ ဘာဖြစ်လို့လဲဆိုတော့
လူဆိုတာ ကိုယ်လိုချင်တဲ့အရာဟာ ဘာဖြစ်တယ်ဆိုတဲ့
ဆုံးဖြတ်ချက်တစ်ခုလောက်တော့ ချမှတ်သင့်တာပေါ့။
ဆုံးဖြတ်ချက်တော့ ချမှတ်ပါရဲ့။
အဲဒီဆုံးဖြတ်ချက်ကို ဖြစ်အောင်မလုပ်နိုင်ရင်တော့
ဆုတော့တောင်းပါရဲ့ ဆုတောင်းပြည့်အောင်
မလုပ်နိုင်ဘူးဆိုရင်တော့ ကိုယ့်ကို ငါဟာဘာလဲ
ဘာဖြစ်နေလဲ ဘယ်လိုလူလဲဆိုတာ
သေချာပြန်လည်သုံးသပ်သင့်တယ်။
(တော်ဝင်နွယ်)
(မည်သည့်ပို့စ်ကိုမဆို လွတ်လပ်စွာ ကူးယူ မျှဝေ
ထပ်ဆင့် ဓမ္မဒါန ပြုနိုင်ပါသည်။)
Click here if you love to read more Dhamma quotes-
နှလုံးသားအာဟာရ

facebook သို့ 