ပဋိစ္စသမုပ္ပါဒ်၏ အဓိပ္ပါယ် ရှင်းလင်းချက်

ပဋိစ္စသမုပ္ပါဒ်၏ အဓိပ္ပါယ် ရှင်းလင်းချက်
❆★ ★ ★ ★ ★ ★ ★ ★ ★ ★ ★❆
အကြောင်းကိုစွဲ၍ အကျိုးဖြစ်ခြင်းကို ပဋိစ္စသမုပ္ပါဒ်ဟု ခေါ်ပါသည်။ ဦးစွာပထမ သိထားရမည်မှာ ပဋိစ္စသမုပ္ပါဒ်စက်ဝိုင်းအတွင်းမှ အင်္ဂါ(၁၂)ပါး စကားလုံးများ၏ အနက်အဓိပ္ပါယ်ကို နားလည်သဘောပေါက်ထားရပါမည်။
၁။ အဝိဇ္ဇာ..... = သစ္စာလေးပါးကို မသိခြင်းဖြစ်သည်။
၂။ သင်္ခါရ...... = ပြုပြင်စေ့ဆော်ခြင်း ဖြစ်သည်။ သင်္ခါရ ၃-မျိုးရှိသည်။ ၄င်းတို့မှာ-
(၁) ပုညာဘိ သင်္ခါရ၊ (၂) အပုညာဘိ သင်္ခါရ၊ (၃) အာနဉ္ဇာဘိ သင်္ခါရတို့ ဖြစ်သည်။
(၁) ပုညာဘိ သင်္ခါရ ..... = ပုည(ကုသိုလ်)၊ အဘိ(လွန်ကဲစွာ)၊ သင်္ခါရ(ပြုလုပ်ခြင်း)၊
(ကုသိုလ်ကောင်းမှုကို လွန်ကဲစွာ ပြုလုပ်ခြင်း)
(၂) အပုညာဘိ သင်္ခါရ.. = အပုည(အကုသိုလ်)၊ အဘိ(လွန်ကဲစွာ)၊ သင်္ခါရ(ပြုလုပ်ခြင်း)၊
(အကုသိုလ်ကို လွန်ကဲစွာ ပြုလုပ်ခြင်း)
(၃) အာနဉ္ဇာဘိ သင်္ခါရ.. = အာနဉ္ဇ(ဈာန်သမာဓိအလုပ်)၊ အဘိ(လွန်ကဲစွာ)၊ သင်္ခါရ(ပြုလုပ်ခြင်း)၊
(သမထဘဝနာ ပွားများခြင်း)
၃။ ဝိဉာဏ်...... = ပဋိသန္ဓေစိတ်။(ပဋိ- တစ်ဖန်၊ သန္ဓိ- စပ်၍ဖြစ်ခြင်း) ပဋိသန္ဓေ- တစ်ဖန်စပ်၍ ဖြစ်ခြင်း။
၎။ နာမ်ရုပ်..... = နာမ်ဟူသည် အာရုံကို ကိုင်းညွတ်ခြင်း။ ရုပ်ဟူသည် ပြောင်းလဲဖောက်ပြန်ခြင်း။
၅။ သဠာယတန = မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်။
၆။ ဖဿ........... = တွေ့ထိခြင်း။
၇။ ဝေဒနာ........ = ကောင်း/မကောင်း ခံစားခြင်း။
၈။ တဏှာ........ = လိုချင်တပ်မက်ခြင်း။
၉။ ဥပါဒါန်........ = စွဲလန်းငြိတွယ်ခြင်း။
၁၀။ ကမ္မဘဝ... = ကိုယ်ဖြင့်ပြုလုပ်ခြင်း ကာယကံ၊ နှုတ်ဖြင့်ပြောဆိုခြင်း ဝစီကံ၊ စိတ်ဖြင့်ကြံစည်ခြင်း မနောကံ။ ကာယ, ဝစီ, စိတ္တ = သင်္ခါရ ။
၁၁။ ဇာတိ......... = ပဋိသန္ဓေ နေခြင်း။
၁၂။ ဇရာ၊ မရဏ = အိုခြင်း၊ သေခြင်း။
******************************************
"မိုးကုတ်ဆရာတော်ဘုရားကြီး၏ ပဋိစ္စသမုပ္ပါဒ် လင်္ကာ"
မူလနှစ်ဖြာ ..................... (၂)
သစ္စာနှစ်ခု ...................... (၂)
လေးခုအလွှာ ................. (၄)
အင်္ဂါတစ်ဆယ့်နှစ်ပါး တရားကိုယ်များနှင့် (၁၂)
သုံးပါးအစပ် နှစ်ရပ်မူလ... (၃)
ဝဋ်သုံးဝနှင့် .................... (၃)
ကာလသုံးဖြာ ................ (၃)
ခြင်းရာနှစ်ဆယ်၊ ဤရှစ်သွယ်ကို၊ အလွတ်ကျက်မှတ်၊ သိစေအပ်သည်၊ သံသရာမှ လွတ်ကြောင်းတည်း (၂၀)။
ရှင်းလင်းချက်။.......။
••••••••••••••••••••\•\
ပဋိစ္စသမုပ္ပါဒ်စက်ဝိုင်းကို ကြည့်ပါမိတ်ဆွေ။
၁။ မူလနှစ်ဖြာ ဆိုသည်မှာ = အဝိဇ္ဇာနှင့် တဏှာ။
၂။ သစ္စာနှစ်ခု ဆိုသည်မှာ = သမုဒယသစ္စာနှင့် ဒုက္ခသစ္စာ။
၃။ လေးခုအလွှာ ဆိုသည်မှာ = (၁) အကွက် - အတိတ်အကြောင်းတစ်လွှာ
(၂) အကွက် - ပစ္စုန်ပ္ပန်အကျိုးတစ်လွှာ
(၃) အကွက် - ပစ္စုန်ပ္ပန်အကြောင်းတစ်လွှာ
(၄) အကွက် - အနာဂတ်အကျိုးတစ်လွှာ
၎။ အင်္ဂါတစ်ဆယ့်နှစ်ပါး ဆိုသည်မှာ = အဝိဇ္ဇာ၊ သင်္ခါရ၊ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ၊ တဏှာ၊ ဥပါဒါန်၊ ကမ္မဘဝ၊ ဇာတိ၊ ဇရာ၊ မရဏတို့ဖြစ်သည်။
တရားကိုယ်များနှင့် ဆိုသည်မှာ = အထက်ပါ တရားများဖြစ်သော အဝိဇ္ဇာ အစ၊ ဇရာ,မရဏ အဆုံးဖြစ်ပါသည်။
၅။ သုံးပါးအစပ် ဆိုသည်မှာ = (၁)အကွက်နှင့် (၂)အကွက်ကြား သင်္ခါရနှင့် ဝိဉာဏ်အစပ်၊ (၂)အကွက်နှင့် (၃)အကွက်ကြား ဝေဒနာနှင့် တဏှာအစပ်၊ (၃)အကွက်နှင့် (၄)အကွက်ကြား ကမ္မဘဝနှင့် ဇာတိအစပ်တို့ ဖြစ်ပါသည်။
နှစ်ရပ်မူလ ဆိုသည်မှာ = အဝိဇ္ဇာနှင့် တဏှာ။
၆။ ဝဋ်သုံးဝနှင့် ဆိုသည်မှာ = ကိလေသဝဋ် (၃)ပါး၊ ကမ္မဝဋ် (၂)ပါး၊ ဝိပါကဝဋ် (၈)ပါး။
(၁) ကိလေသဝဋ်သုံးပါး ဆိုသည်မှာ = အဝိဇ္ဇာ၊ တဏှာ၊ ဥပါဒါန်။
(၂) ကမ္မဝဋ်နှစ်ပါး ဆိုသည်မှာ = သင်္ခါရနှင့် ကမ္မဘဝ။
(၃) ဝိပါကဝဋ်ရှစ်ပါး ဆိုသည်မှာ = ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ၊ ဇာတိ၊ ဇရာ၊ မရဏ၊ ဥပပတ္တိဘဝတို့ ဖြစ်ပါသည်။
၇။ ကာလသုံးဖြာ ဆိုသည်မှာ = လွန်လေပြီးသော အတိတ်ကာလ။ ယခုဖြစ်ဆဲ ပစ္စုန်ပ္ပန်ကာလ။ နောင်ဖြစ်လတ္တံ့သော အနာဂတ်ကာလ။
၈။ ခြင်းရာနှစ်ဆယ် ဆိုသည်မှာ = နံပါတ်(၁)အကွက် .. အတိတ်အကြောင်း အခြင်းအရာ(၅)ပါးသည် အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝတို့ ဖြစ်သည်။
နံပါတ်(၂)အကွက် .. ပစ္စုန်ပ္ပန် အကျိုးအခြင်းအရာ(၅)ပါးသည် ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ။
နံပါတ်(၃)အကွက် .. ပစ္စုန်ပ္ပန် အကြောင်းအခြင်းအရာ(၅)ပါးသည် တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရ။
နံပါတ်(၄)အကွက် .. အနာဂတ် အကျိုးအခြင်းအရာ(၅)ပါးသည် ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာတို့ဖြစ်၍ တစ်ကွက်လျှင် ငါးပါး၊ (၄)ကွက်ဆိုတော့ ၅ × ၄ = ၂၀ ဖြစ်ပါသည်။
.➳ ဤရှစ်သွယ်ကို အလွတ်ကျက်မှတ်၊ သိစေအပ်သည်၊ သံသရာမှ လွတ်မြောက်တည်း။
ဒီလောက်ဆိုရင် ပဋိစ္စသမုပ္ပါဒ်စက်ဝိုင်းကို ဘယ်လိုကြည့်ရမလဲဆိုတာ နားလည်သဘောပေါက်လောက်ပြီ ထင်ပါတယ်။ ဒုတိယပိုင်းမှာ ဒီထက်ရှင်းအောင် ထပ်မံရေးပေးပါ့မယ်။
Yarzar

facebook သို့ 