နောက်ဆုံးအကြိမ် ရှင်းတမ်း
❆ ★ ★ ★ ★ ★ ★ ★ ❆
ကြောင်းကျိုးနှင့်ပတ်သက်လို့ အဝိဇ္ဇာမှ မချုပ်သေးရင် သင်္ခါရသဘောဟာ ဖြစ်နေမှာပဲ။ သင်္ခါရကြောင့် ဝိဉာဏ်ဆိုတာ မဖြစ်ဘဲကိုမနေပါဘူး။ ဖြစ်ကိုဖြစ်ပါတယ်။ ဒီလိုသိရမယ်။ ဒီလိုသိလိုက်ရင် ဥစ္ဆေဒဒိဋ္ဌိ စင်ပါတယ်။ ဥစ္ဆေဒဒိဋ္ဌိဆိုတာ မဖြစ်တော့ဘူးလို့ စွဲယူထားတဲ့ ဒိဋ္ဌိကိုး။
သင်္ခါရကြောင့် ဝိဉာဏ်ဖြစ်တယ်။ ဒါပေမယ့် ဝိဉာဏ်ဖြစ်လာတဲ့အခါမှာ သင်္ခါရမဖြစ်တော့ဘူး။ သင်္ခါရဟာ ဝိဉာဏ်အတွက် အထောက်အပံ့ပေးပြီးတော့ ပျက်သွားပါပြီ။ အခုဖြစ်နေတာ ဝိဉာဏ်ပဲ၊ သင်္ခါရပညတ် မဟုတ်တော့ဘူး။ ဒီလိုအကြောင်းကြောင့် ဒီလိုအကျိုးတွေဖြစ်နေတယ်လို့ ဉာဏ်ထဲမှာရှင်းအောင် သိလိုက်ပြီဆိုတာနဲ့ သဿတဒိဋ္ဌိလည်းစင်တယ်၊ ဥစ္ဆေဒဒိဋ္ဌိလည်း စင်သွားပါတယ်။ ဒီဒိဋ္ဌိနှစ်ပါးစင်ရင် မဇ္ဈိမပဋိပဒါဖြစ်တဲ့ အလယ်လမ်းပေါ် ရောက်ပါပြီ။
ဒီလို အကြောင်းနဲ့အကျိုး ရှင်းအောင်နားလည်ပါမှ ရဲရင့်တဲ့စိတ်တွေ ပေါ်လာနိုင်တယ်။ မဂ္ဂင်ရဲ့အင်အားလည်း ပိုကောင်းလာနိုင်တယ်။ ဒီနေရာမှာ အကြောင်းဆိုတဲ့သဘောဟာ အထည်ကိုယ်ဒြပ်နဲ့ လိုက်တာမျိုး မဟုတ်ပါဘူး။ သတ္တိပဲ လိုက်တာဖြစ်ပါတယ်။ ဟုတ်,မဟုတ်ဆိုတာ ခန္ဓာဘက်ကို ဉာဏ်နဲ့လှည့်ကြည့်လိုက်ပါ။ ပူတယ်အေးတယ်, တောင့်တင်းတယ်, ကိုက်ခဲတယ်ဆိုတဲ့ ဒုက္ခဝေဒနာပေါ်လာတာကို စိစစ်ကြည့်လိုက်ရင် ခန္ဓာအပေါ်ပိုင်းက အောက်ပိုင်းကြမ်းပြင် အမာကြီးပေါ်ကို ဖိထိုင်လိုက်တော့ အတွေ့အထိဆိုတဲ့ ဖဿသဘောကြောင့် ဝေဒနာဖြစ်တယ်ဆိုတဲ့ သဘောကိုကြည့်ရင် သိသာပါတယ်။ စိတ်နှင့်စိုက်ပြီးကြည့်လိုက်ပါ ဓမ္မမိတ်ဆွေ။ ဝေဒနာဟာ ပျောက်သွားမယ်၊ ပျောက်သွားခြင်းဟာ ပျက်သွားခြင်းပဲ။ ဖြစ်မှုသဘောကိုသိလိုက်ရင် ဥစ္ဆေဒဒိဋ္ဌိ စင်ပါတယ်။ ပျက်မှုသဘောလေးကိုသိလိုက်ရင် ခိုင်တယ်မြဲတယ်လို့ ယူဆထားတဲ့ သဿတဒိဋ္ဌိ စင်ပါတယ်။ ဖြစ်မှုသဘောထဲမှာလည်း ငါမပါ၊ ပျက်မှုသဘောထဲမှာလည်း ငါမပါတာသိရင် ငါစွဲသူစွဲ, ပုဂ္ဂိုလ်စွဲတွေ စွဲနေတဲ့ သက္ကာယဒိဋ္ဌိ စင်ပါပြီ။ ဒီဒိဋ္ဌိကြီး(၃)ခု စင်မှသာ မဂ္ဂင်လမ်းပေါ် ထိထိမိမိ ရောက်ပြီသာမှတ်ပါ။
ဒီဒိဋ္ဌိကြီးသုံးခုဆိုတာ အလိုလိုကွာသွားမယ့်အရာတော့ မဟုတ်ပါဘူး။ ခန္ဓာ့ဖြစ်စဉ် ပဋိစ္စသမုပ္ပါဒ်ကို နားလည်မှပဲ ကွာနိုင်ပါတယ်။ ဒိဋ္ဌိခွာတဲ့နေရာမှာ သိမှုနှင့်အရင်ခွာရမယ်၊ ပွားမှုနှင့်ခွာရမယ်၊ ပယ်မှုနှင့်ခွာရမယ်ဆိုပြီး သုံးမျိုးရှိပါတယ်။ သဿတဒိဋ္ဌိနှင့် ဥစ္ဆေဒဒိဋ္ဌိဟာ ဘယ်ကလာသလဲဆိုရင် ပဋိစ္စသမုပ္ပါဒ်မသိရာကနေ လာပါတယ်။ မသိဘူးဆိုတာ အဝိဇ္ဇာပဲ။ အဝိဇ္ဇာဆိုတာ ခန္ဓာ့ဒုက္ခကို မသိတာ(တနည်း)သစ္စာလေးပါးကို မသိတာ။ ဒီလိုမသိတော့ သုခထင်ပြီး သင်္ခါရတွေ ပြုလုပ်တယ်။ ဒီသင်္ခါရပြုခြင်းကြောင့် ဝိဉာဏ်ဆိုတာ ဖြစ်လာတယ်။ ဒါဟာ အခုလက်ရှိ ပစ္စုန်ပ္ပန်ခန္ဓာကို ပြောနေတာနော်။ အမေမွေးတဲ့ခန္ဓာတို့ မနေ့ကခန္ဓာတို့ဆိုတာ ပျက်စီးသွားပြီ။ ဝိဉာဏ်ဖြစ်တာနဲ့ သင်္ခါရချုပ်တယ်။ ဝိဉာဏ်ဖြစ်တာနဲ့ ခန္ဓာငါးပါးပေါ်ပြီပဲ။ နာမ်ရုပ်၊ သဠာယတန၊ ဖဿ၊ ဝေဒနာ။ ဒီငါးပါးရဲ့နောက်က တဏှာ၊ ဥပါဒါန်၊ ကံဆိုတဲ့ အနာဂတ်ဘဝဖြစ်ကြောင်း သုံးပါးဆိုတာ ဖြစ်လာတော့တာပဲ။ အခုလက်ရှိခန္ဓာမှာ ဖြစ်နေတဲ့ ပဋိစ္စသမုပ္ပါဒ်(၈)မျိုးထဲမှာ အဆုံးဖြစ်တာ ဝိဉာဏ်ပဲ (ဝိဉာဏ်ဆိုတာ ပဋိသန္ဓေဝိဉာဏ်ကိုပြောခြင်းသာ) အခုလက်ရှိဖြစ်ပေါ်နေတဲ့ဝိဉာဏ်က ပဝတ္တိဝိဉာဏ်လို့ခေါ်တယ်။ ဝိဉာဏ်ဆိုတာ စိတ်ပဲ၊ စိတ်နဲ့ သဟဇာတဖြစ်နေတာက ရုပ်ပဲ၊ ဒီလိုသိလိုက်ရင် ပုဂ္ဂိုလ်သတ္တဝါဆိုတာ မပါတော့ဘူး။ ဒါဆို သဿတဒိဋ္ဌိစင်တယ်။ ဒိဋ္ဌိဆိုတာ အကြောင်းအကျိုးကိုနားလည်မှ ပြုတ်တဲ့အမျိုးပါ။
ပုဂ္ဂိုလ်သတ္တဝါမရှိဘူးလို့ သိလိုက်ပြီဆိုရင်တော့ ဒီသဘောဟာ ခန္ဓာကို နားလည်လိုက်ခြင်းပဲ။ ခန္ဓာလို့ပြောလိုက်ရင် နာမ်ရုပ်ဆိုတာ ဖြစ်ပြီးသားပဲ။ ဒီနာမ်ရုပ် ဘာကြောင့်ဖြစ်သလဲဆိုတာ အကြောင်းရှာကြည့်ရင် သင်္ခါရကြောင့်ဆိုတာ ရှင်းတယ်။ သင်္ခါရကြောင့် ဝိဉာဏ်ပေါ်တယ်၊ ဝိဉာဏ်ကြောင့် နာမ်ရုပ်ဖြစ်တယ်။ ဝိဉာဏ်ဖြစ်ပြီး ချုပ်တာနဲ့ ဒီနာမ်ရုပ်ပေါ်လာခြင်းဟာ ဝိဉာဏ်က ကျေးဇူးပြုလိုက်လို့ပဲ။ ပဝတ္တိဝိဉာဏ်နဲ့ ပဋိသန္ဓေဝိဉာဏ်နှစ်ခုစလုံးဟာ ဖြစ်လည်းဖြစ်တယ်၊ ချုပ်လည်းချုပ်တယ်လို့ ဉာဏ်နဲ့သိလိုက်တာနဲ့ ဥစ္ဆေဒဒိဋ္ဌိ အလိုလိုကွာသွားပါတယ်။ တိုတိုလေး မှတ်ထားလိုက်ပါ... အဖြစ်မြင်ရင် သဿတဒိဋ္ဌိစင်တယ်၊ အပျက်မြင်ရင် ဥစ္ဆေဒဒိဋ္ဌိစင်တယ်။ ဥပမာ... ဟင်းကောင်းကောင်းလေးနဲ့ ထမင်းစားတယ်ဆိုပါစို့၊ ဟင်းကောင်းလေးနဲ့ လျှာအကြည်ဓာတ် ပေါင်းလိုက်ချိန်မှာ ဖဿဆိုတာ ချက်ချင်းဖြစ်ပါတယ်။ ဒီဖဿကြောင့် စားကောင်းတယ်ဆိုတဲ့ ခံစားမှုဟာ ဝေဒနာပါပဲ။ စားလို့ကောင်းတာ ဝေဒနာ၊ နောက်ဆက်ပြီး စားချင်တာက တဏှာ၊ ဒါဟာ "ဖဿပစ္စယာ ဝေဒနာ၊ ဝေဒနာပစ္စယာ တဏှာ"ဆိုပြီး ဆက်တိုက်ကြောင်းကျိုးဆက်ပြီး ဖြစ်ပေါ်လာပါတယ်။ စားကောင်းလို့ သုခဝေဒနာပေါ်ရင် သောမနဿ၊ စားမကောင်းလို့ ဒုက္ခဝေဒနာပေါ်ရင် ဒေါမနဿဆိုပြီး ဆက်သွားပါသေးတယ်။
ဒီခန္ဓာဖြစ်စဉ်တွေကို သတိနဲ့မကြည့်တတ်ရင် သူပြုသမျှ နုရမယ့်ဘဝပါ။ သတိနဲ့ကြည့်မှ သူပြုသမျှ မခံရမှာ။ ဒီလိုနှိပ်စက်ဒဏ် မခံချင်ကြဘူးဆိုရင် ဖြစ်ပေါ်ပျက်စီးနေတဲ့ ဓမ္မသဘောကိုကြည့်ပြီး ငါမဟုတ်ဘူး၊ မမြဲဘူး၊ ဖြစ်လိုက်ပျက်လိုက် သဘာဝဓမ္မသဘောပဲလို့ သိလိုက်ရင် ဒါဟာ ဖဿ၊ ဖဿကြောင့် ဝေဒနာပေါ်တယ်၊ ဝေဒနာကြောင့် သုခ(သို့)ဒေါသပေါ်တယ်ဆိုတဲ့ သဘောကို ရှင်းအောင်သိလိုက်ရင် ဘဝဖြစ်စဉ်ကို သေသေချာချာသိတဲ့အတွက် ဒိဋ္ဌိဖြစ်ခွင့် မရှိတော့ပါဘူး။ ဒိဋ္ဌိဖြစ်ခွင့်မရှိရင် တဏှာနဲ့ ဒေါသကိုလည်း အလိုလိုပယ်ပြီးသား ဖြစ်သွားပါလိမ့်မယ်။ ဒီလိုရှင်းရှင်းသိမှ ဒိဋ္ဌိစင်မည့်အကြောင်းရေးသားရင်း နိဂုံးကမ္မ အဆုံးသတ်လိုက်လေသည်။
Yarzar
facebook သို့ 
❆ ★ ★ ★ ★ ★ ★ ★ ❆
ကြောင်းကျိုးနှင့်ပတ်သက်လို့ အဝိဇ္ဇာမှ မချုပ်သေးရင် သင်္ခါရသဘောဟာ ဖြစ်နေမှာပဲ။ သင်္ခါရကြောင့် ဝိဉာဏ်ဆိုတာ မဖြစ်ဘဲကိုမနေပါဘူး။ ဖြစ်ကိုဖြစ်ပါတယ်။ ဒီလိုသိရမယ်။ ဒီလိုသိလိုက်ရင် ဥစ္ဆေဒဒိဋ္ဌိ စင်ပါတယ်။ ဥစ္ဆေဒဒိဋ္ဌိဆိုတာ မဖြစ်တော့ဘူးလို့ စွဲယူထားတဲ့ ဒိဋ္ဌိကိုး။
သင်္ခါရကြောင့် ဝိဉာဏ်ဖြစ်တယ်။ ဒါပေမယ့် ဝိဉာဏ်ဖြစ်လာတဲ့အခါမှာ သင်္ခါရမဖြစ်တော့ဘူး။ သင်္ခါရဟာ ဝိဉာဏ်အတွက် အထောက်အပံ့ပေးပြီးတော့ ပျက်သွားပါပြီ။ အခုဖြစ်နေတာ ဝိဉာဏ်ပဲ၊ သင်္ခါရပညတ် မဟုတ်တော့ဘူး။ ဒီလိုအကြောင်းကြောင့် ဒီလိုအကျိုးတွေဖြစ်နေတယ်လို့ ဉာဏ်ထဲမှာရှင်းအောင် သိလိုက်ပြီဆိုတာနဲ့ သဿတဒိဋ္ဌိလည်းစင်တယ်၊ ဥစ္ဆေဒဒိဋ္ဌိလည်း စင်သွားပါတယ်။ ဒီဒိဋ္ဌိနှစ်ပါးစင်ရင် မဇ္ဈိမပဋိပဒါဖြစ်တဲ့ အလယ်လမ်းပေါ် ရောက်ပါပြီ။
ဒီလို အကြောင်းနဲ့အကျိုး ရှင်းအောင်နားလည်ပါမှ ရဲရင့်တဲ့စိတ်တွေ ပေါ်လာနိုင်တယ်။ မဂ္ဂင်ရဲ့အင်အားလည်း ပိုကောင်းလာနိုင်တယ်။ ဒီနေရာမှာ အကြောင်းဆိုတဲ့သဘောဟာ အထည်ကိုယ်ဒြပ်နဲ့ လိုက်တာမျိုး မဟုတ်ပါဘူး။ သတ္တိပဲ လိုက်တာဖြစ်ပါတယ်။ ဟုတ်,မဟုတ်ဆိုတာ ခန္ဓာဘက်ကို ဉာဏ်နဲ့လှည့်ကြည့်လိုက်ပါ။ ပူတယ်အေးတယ်, တောင့်တင်းတယ်, ကိုက်ခဲတယ်ဆိုတဲ့ ဒုက္ခဝေဒနာပေါ်လာတာကို စိစစ်ကြည့်လိုက်ရင် ခန္ဓာအပေါ်ပိုင်းက အောက်ပိုင်းကြမ်းပြင် အမာကြီးပေါ်ကို ဖိထိုင်လိုက်တော့ အတွေ့အထိဆိုတဲ့ ဖဿသဘောကြောင့် ဝေဒနာဖြစ်တယ်ဆိုတဲ့ သဘောကိုကြည့်ရင် သိသာပါတယ်။ စိတ်နှင့်စိုက်ပြီးကြည့်လိုက်ပါ ဓမ္မမိတ်ဆွေ။ ဝေဒနာဟာ ပျောက်သွားမယ်၊ ပျောက်သွားခြင်းဟာ ပျက်သွားခြင်းပဲ။ ဖြစ်မှုသဘောကိုသိလိုက်ရင် ဥစ္ဆေဒဒိဋ္ဌိ စင်ပါတယ်။ ပျက်မှုသဘောလေးကိုသိလိုက်ရင် ခိုင်တယ်မြဲတယ်လို့ ယူဆထားတဲ့ သဿတဒိဋ္ဌိ စင်ပါတယ်။ ဖြစ်မှုသဘောထဲမှာလည်း ငါမပါ၊ ပျက်မှုသဘောထဲမှာလည်း ငါမပါတာသိရင် ငါစွဲသူစွဲ, ပုဂ္ဂိုလ်စွဲတွေ စွဲနေတဲ့ သက္ကာယဒိဋ္ဌိ စင်ပါပြီ။ ဒီဒိဋ္ဌိကြီး(၃)ခု စင်မှသာ မဂ္ဂင်လမ်းပေါ် ထိထိမိမိ ရောက်ပြီသာမှတ်ပါ။
ဒီဒိဋ္ဌိကြီးသုံးခုဆိုတာ အလိုလိုကွာသွားမယ့်အရာတော့ မဟုတ်ပါဘူး။ ခန္ဓာ့ဖြစ်စဉ် ပဋိစ္စသမုပ္ပါဒ်ကို နားလည်မှပဲ ကွာနိုင်ပါတယ်။ ဒိဋ္ဌိခွာတဲ့နေရာမှာ သိမှုနှင့်အရင်ခွာရမယ်၊ ပွားမှုနှင့်ခွာရမယ်၊ ပယ်မှုနှင့်ခွာရမယ်ဆိုပြီး သုံးမျိုးရှိပါတယ်။ သဿတဒိဋ္ဌိနှင့် ဥစ္ဆေဒဒိဋ္ဌိဟာ ဘယ်ကလာသလဲဆိုရင် ပဋိစ္စသမုပ္ပါဒ်မသိရာကနေ လာပါတယ်။ မသိဘူးဆိုတာ အဝိဇ္ဇာပဲ။ အဝိဇ္ဇာဆိုတာ ခန္ဓာ့ဒုက္ခကို မသိတာ(တနည်း)သစ္စာလေးပါးကို မသိတာ။ ဒီလိုမသိတော့ သုခထင်ပြီး သင်္ခါရတွေ ပြုလုပ်တယ်။ ဒီသင်္ခါရပြုခြင်းကြောင့် ဝိဉာဏ်ဆိုတာ ဖြစ်လာတယ်။ ဒါဟာ အခုလက်ရှိ ပစ္စုန်ပ္ပန်ခန္ဓာကို ပြောနေတာနော်။ အမေမွေးတဲ့ခန္ဓာတို့ မနေ့ကခန္ဓာတို့ဆိုတာ ပျက်စီးသွားပြီ။ ဝိဉာဏ်ဖြစ်တာနဲ့ သင်္ခါရချုပ်တယ်။ ဝိဉာဏ်ဖြစ်တာနဲ့ ခန္ဓာငါးပါးပေါ်ပြီပဲ။ နာမ်ရုပ်၊ သဠာယတန၊ ဖဿ၊ ဝေဒနာ။ ဒီငါးပါးရဲ့နောက်က တဏှာ၊ ဥပါဒါန်၊ ကံဆိုတဲ့ အနာဂတ်ဘဝဖြစ်ကြောင်း သုံးပါးဆိုတာ ဖြစ်လာတော့တာပဲ။ အခုလက်ရှိခန္ဓာမှာ ဖြစ်နေတဲ့ ပဋိစ္စသမုပ္ပါဒ်(၈)မျိုးထဲမှာ အဆုံးဖြစ်တာ ဝိဉာဏ်ပဲ (ဝိဉာဏ်ဆိုတာ ပဋိသန္ဓေဝိဉာဏ်ကိုပြောခြင်းသာ) အခုလက်ရှိဖြစ်ပေါ်နေတဲ့ဝိဉာဏ်က ပဝတ္တိဝိဉာဏ်လို့ခေါ်တယ်။ ဝိဉာဏ်ဆိုတာ စိတ်ပဲ၊ စိတ်နဲ့ သဟဇာတဖြစ်နေတာက ရုပ်ပဲ၊ ဒီလိုသိလိုက်ရင် ပုဂ္ဂိုလ်သတ္တဝါဆိုတာ မပါတော့ဘူး။ ဒါဆို သဿတဒိဋ္ဌိစင်တယ်။ ဒိဋ္ဌိဆိုတာ အကြောင်းအကျိုးကိုနားလည်မှ ပြုတ်တဲ့အမျိုးပါ။
ပုဂ္ဂိုလ်သတ္တဝါမရှိဘူးလို့ သိလိုက်ပြီဆိုရင်တော့ ဒီသဘောဟာ ခန္ဓာကို နားလည်လိုက်ခြင်းပဲ။ ခန္ဓာလို့ပြောလိုက်ရင် နာမ်ရုပ်ဆိုတာ ဖြစ်ပြီးသားပဲ။ ဒီနာမ်ရုပ် ဘာကြောင့်ဖြစ်သလဲဆိုတာ အကြောင်းရှာကြည့်ရင် သင်္ခါရကြောင့်ဆိုတာ ရှင်းတယ်။ သင်္ခါရကြောင့် ဝိဉာဏ်ပေါ်တယ်၊ ဝိဉာဏ်ကြောင့် နာမ်ရုပ်ဖြစ်တယ်။ ဝိဉာဏ်ဖြစ်ပြီး ချုပ်တာနဲ့ ဒီနာမ်ရုပ်ပေါ်လာခြင်းဟာ ဝိဉာဏ်က ကျေးဇူးပြုလိုက်လို့ပဲ။ ပဝတ္တိဝိဉာဏ်နဲ့ ပဋိသန္ဓေဝိဉာဏ်နှစ်ခုစလုံးဟာ ဖြစ်လည်းဖြစ်တယ်၊ ချုပ်လည်းချုပ်တယ်လို့ ဉာဏ်နဲ့သိလိုက်တာနဲ့ ဥစ္ဆေဒဒိဋ္ဌိ အလိုလိုကွာသွားပါတယ်။ တိုတိုလေး မှတ်ထားလိုက်ပါ... အဖြစ်မြင်ရင် သဿတဒိဋ္ဌိစင်တယ်၊ အပျက်မြင်ရင် ဥစ္ဆေဒဒိဋ္ဌိစင်တယ်။ ဥပမာ... ဟင်းကောင်းကောင်းလေးနဲ့ ထမင်းစားတယ်ဆိုပါစို့၊ ဟင်းကောင်းလေးနဲ့ လျှာအကြည်ဓာတ် ပေါင်းလိုက်ချိန်မှာ ဖဿဆိုတာ ချက်ချင်းဖြစ်ပါတယ်။ ဒီဖဿကြောင့် စားကောင်းတယ်ဆိုတဲ့ ခံစားမှုဟာ ဝေဒနာပါပဲ။ စားလို့ကောင်းတာ ဝေဒနာ၊ နောက်ဆက်ပြီး စားချင်တာက တဏှာ၊ ဒါဟာ "ဖဿပစ္စယာ ဝေဒနာ၊ ဝေဒနာပစ္စယာ တဏှာ"ဆိုပြီး ဆက်တိုက်ကြောင်းကျိုးဆက်ပြီး ဖြစ်ပေါ်လာပါတယ်။ စားကောင်းလို့ သုခဝေဒနာပေါ်ရင် သောမနဿ၊ စားမကောင်းလို့ ဒုက္ခဝေဒနာပေါ်ရင် ဒေါမနဿဆိုပြီး ဆက်သွားပါသေးတယ်။
ဒီခန္ဓာဖြစ်စဉ်တွေကို သတိနဲ့မကြည့်တတ်ရင် သူပြုသမျှ နုရမယ့်ဘဝပါ။ သတိနဲ့ကြည့်မှ သူပြုသမျှ မခံရမှာ။ ဒီလိုနှိပ်စက်ဒဏ် မခံချင်ကြဘူးဆိုရင် ဖြစ်ပေါ်ပျက်စီးနေတဲ့ ဓမ္မသဘောကိုကြည့်ပြီး ငါမဟုတ်ဘူး၊ မမြဲဘူး၊ ဖြစ်လိုက်ပျက်လိုက် သဘာဝဓမ္မသဘောပဲလို့ သိလိုက်ရင် ဒါဟာ ဖဿ၊ ဖဿကြောင့် ဝေဒနာပေါ်တယ်၊ ဝေဒနာကြောင့် သုခ(သို့)ဒေါသပေါ်တယ်ဆိုတဲ့ သဘောကို ရှင်းအောင်သိလိုက်ရင် ဘဝဖြစ်စဉ်ကို သေသေချာချာသိတဲ့အတွက် ဒိဋ္ဌိဖြစ်ခွင့် မရှိတော့ပါဘူး။ ဒိဋ္ဌိဖြစ်ခွင့်မရှိရင် တဏှာနဲ့ ဒေါသကိုလည်း အလိုလိုပယ်ပြီးသား ဖြစ်သွားပါလိမ့်မယ်။ ဒီလိုရှင်းရှင်းသိမှ ဒိဋ္ဌိစင်မည့်အကြောင်းရေးသားရင်း နိဂုံးကမ္မ အဆုံးသတ်လိုက်လေသည်။
Yarzar
facebook သို့ 
LikeShow more reactions
Myanmar Kyat Converter
0 comments:
Post a Comment