ဘယ်လောက်ကြာကြာစိတ်ညစ်မလဲ

ဘယ်လောက်ကြာကြာစိတ်ညစ်မလဲ

 တစ်ခါတုန်းက စာသင်ခန်းတစ်ခုထဲမှာ
ပရော်ဖက်ဆာကြီး တစ်ယောက်ဟာ ရေထည့်ထားတဲ့
ဖန်ခွက်တစ်ခွက်ကို ကိုင်ထားပြီး ကျောင်းသားတွေရှေ့မှာ
ရပ်နေခဲ့ပါတယ်။သူက ရေဖန်ခွက်ကို အားလုံး မြင်အောင်
 မြှောက်ပြလိုက်ပြီး “ဒီဖန်ခွက် ဘယ်လောက်လေးမယ်
ထင်လဲ” လို့ မေးလိုက်ပါတယ်။ ကျောင်းသားတွေကလည်း
၅၀ ဂရမ်၊ ၁၀၀ ဂရမ်၊ ၁၂၅ ဂရမ် အစရှိသဖြင့် အပြိုင်အဆိုင်
ခန့်မှန်းပြီး ဖြေကြ ပါတယ်။ ဒီအချိန်မှာ ပရော်ဖက်ဆာကြီးက
“ငါမချိန်သေးရပဲနဲ့ အလေး ချိန် အတိအကျကိုတော့
 ပြောနိုင်မှာ မဟုတ်ဘူး။ ဒါပေမယ့် အဓိက ငါပြောချင်တာ
က ဒီဖန်ခွက်ကို မိနစ်အနည်းငယ်ကြာအောင် ငါ ကိုင်ထား
ရင် ဘာဖြစ်မလဲ” လို့ မေးလိုက်ပါတယ်။ ကျောင်းသား
တစ်ဦး က “ဘာမှ ဖြစ်လာမှာ မဟုတ်ပါဘူး”လို့ ဖြေပါ
တယ်။ “အိုကေ ဒါဆိုရင် ငါတစ်နာရီကြာအောင် ကိုင်ထား
ရင်ရော ဘာဖြစ်မလဲ” လို့ ပရော် ဖက်ဆာကြီးက ဆက်မေး
လိုက်ပါတယ်။ ကျောင်းသားထဲက တစ်ဦးက “ဆရာကြီး
လက်ညောင်းပြီး ကိုက်လာပါလိမ့်မယ်” လို့ ဖြေပါတယ်။

 အဲ့ဒီတော့မှ ဆရာကြီးက “မင်းပြောတာ မှန်ပါ
တယ်။ ငါတစ်နေ့လုံးကိုင်ထားရင်ရော ဘာဖြစ်မယ်ထင်လဲ”
လို့ ဆက်မေးပါ တယ်။ “ဆရာကြီးလက်တွေ ထုံကျင်ပြီး
အကြောသေသွားနိုင်ပါတယ်။ ဆေးရုံကို သေချာပေါက်
သွားရနိုင်ပါတယ်”လို့ ကျောင်းသားတစ်ဦးက ဖြေပါတယ်။
အဲ့ဒီအဖြေကိုကြားတော့ အခြားကျောင်းသားတွေလည်း
ပွဲကျသွားပြီး ထရယ်ကြပါတယ်။ ဆရာကြီးက “ကောင်းပြီ..
ဒီတော့ အခုငါပြောသွားတဲ့အချက်တွေထဲမှာ ဖန်ခွက်ရဲ့
အလေးချိန်ပြောင်းလဲ သွားတာပါလား” လို့ မေးလုိုက်ပါ
တယ်။ ကျောင်းသားအားလုံးက လည်း တညီတညွတ်ထဲ
“မပြောင်းလဲပါဘူး ဆရာကြီး” လို့ ဝိုင်းပြီး ဖြေကြပါတယ်။
“ဒါဆိုရင် ငါ့ကို အဓိက နာကျင်စေတာက ဘာလဲ” လို့
ဆရာကြီးက မေးခွန်းထုတ်လိုက်ပါတယ်။ ကျောင်းသား
တွေလည်း ရုတ်တရက် ကြောင်သွားပါတယ်။ ဆရာကြီး
က မေးခွန်းကို လွယ်သွား အောင် “ငါမနာချင်ရင် ဘာ
လုပ်ဖို့လိုလဲ” လို့ ပြောင်းမေးလိုက်ပါတယ်။ ဒီတော့မှ
ကျောင်းသားတွေက “ကိုင်ထားတဲ့ ဖန်ခွက်ကို ချလိုက်
ရုံပါပဲ”  လို့ ဖြေလာပါတယ်။

“မှန်လိုက်လေ” ဆိုပြီး ဆရာကြီးက နှစ်ထောင်းအားရ
 ပြောပါ တယ်။ “ဘဝမှာရှိတဲ့ ပြဿနာတွေကလည်း
တကယ်တော့ ဒီဖန်ခွက် လိုပဲကွဲ့။ မိနစ်အနည်းငယ်ကြာ
အောင် ခေါင်းထဲထည့်ထားရင် အဆင် ပြေသေးတယ်။
ဒါပေမယ့် အချိန်အကြာကြီး ထည့်ထားရင်တော့ အဲ့ဒီ
ပြဿနာတွေက ကိုယ့်ကို နာကျင်အောင် စလုပ်ပါလိမ့်
မယ်။ အချိန် အကြာကြီးခေါင်းထဲမှာ ထည့်ထားလေ
ပိုဆိုးလေပဲ။ အကြာကြီး ဖန်ခွက်ကို ကိုင်ထားရင်
လက်အကြောထုံသွားနိုင်သလို ပြဿနာတွေ ကို
အကြာကြီး ခေါင်းထဲထည့်ထားရင် စဉ်းစားနိုင်စွမ်းတွေ
ပါ ထုံသွား တတ်တယ်။ ပြဿနာတွေ၊ စိန်ခေါ်မှုတွေ
က နေ့စဉ်ဘဝမှာ ရှိနေမှာပဲ ဒါပေမယ့် မိုးချုပ်လို့
အိပ်စက်တဲ့အချိန်ကျရင်တော့ အဲ့ဒါတွေကို ခေါင်းထဲ
ကနေ ထုတ်ပစ်ဖို့ လိုတယ်။ ဒါမှ နောက်မနက်နိုးလာ
ရင် စိတ်ဖိစီးမှု မရှိပဲနိုးလာမှာပါ။ မနက်တိုင်း လန်းလန်း
ဆန်းဆန်းနဲ့ နိုးလာ ပြီး ဘဝရဲ့ ပြဿနာအသစ်တွေ၊
စိန်ခေါ်မှု အသစ်တွေကို ကောင်းမွန် စွာ ကိုင်တွယ်
ဖြေရှင်းနိုင်မှာ ဖြစ်ပါတယ်။” လို့ ပရော်ဖက်ဆာကြီးက
 ကျောင်းသားတွေကို ရှင်းပြခဲ့ပါတယ်။

ဒီအကြောင်းအရာလေးကပေးတဲ့ Message လေးကို
ကျွန်တော်အရမ်း သဘောကျမိပါတယ်။ ဘာလို့လည်း
ဆိုတော့ ကျွန်တော်ကိုယ်တိုင်ဟာ ဖန်ခွက်ကိုင်ထား
ရတာ ဝါသနာပါသူတစ် ယောက် ဖြစ်ခဲ့ဖူးလို့ပါ။ တစ်ခုခု
စိတ်အနှောက်အယှက်ဖြစ်သွားရင် တော်တော်နဲ့
ပျောက်လေ့မရှိခဲ့ပါဘူး။ အကြာကြီးကို စဉ်းစားလေ့ရှိခဲ့
ဖူးပါတယ်။ ကြာကြာစဉ်းစားလေ ပိုစိတ်ညစ်လေလေ
ပါပဲ။ ဒါပေမယ့် ကိုယ်ကိုင်ထားတဲ့ ဖန်ခွက်ကို
ကိုယ်ကိုယ်တိုင် လက်က ချနိုင်တယ် ဆိုတာကို မေ့နေ
ခဲ့ပါတယ်။ မကျေနပ်စရာရှိရင် တစ်ခါတစ်လေ တစ်ပတ်
လောက်အထိ စိတ်မကြည်တတ်ပါဘူး။ အဲ့ဒီအကျင့်
ကြောင့်ပဲ မပျော်ရွှင်ခဲ့ရတာများပါတယ်။ ဒါပေမယ့်
နောက်ပိုင်းမှာ ဒီပုံပြင်လေး ထဲကလို စပြီး ကျင့်သုံး
ကြည့်ခဲ့ပါတယ်။ အကြာကြီး စိတ်ထဲမှာထည့် ထားတာ
ဟာ တကယ်တော့ ကိုယ့်ကိုယ်ကို ဒုက္ခပေးနေတာနဲ့
အတူတူပါပဲ။ ချက်ချင်း ထုတ်ပစ်နိုင်လောက်အောင်
မရင့်ကျက်သေး ပေမယ့် စိတ်ထဲက ထုတ်ပစ်တာ
အရင်ကထက်တော့ မြန်လာခဲ့ပါ တယ်။ တကယ်
လည်း ဒီအလေ့အကျင့်က အကျိုးရှိပါတယ်။ ပြဿနာ
တော်တော်များများက ကိုယ်မတွေးတော့ရင် မရှိတော့
ပါဘူး။ သူတို့ နေထိုင်တာ ကိုယ့်စိတ်ထဲမှာပဲ ဖြစ်ပါ
တယ်။ သူတို့ကို နေစရာမရှိ အောင် နှင်ထုတ်လိုက်ရင်
ကြက်ပျောက်ငှက်ပျောက် ပျောက်သွား တတ်ပါတယ်။
အရမ်းလွယ်တဲ့ အလေ့အကျင့်တော့ မဟုတ်ပါဘူး။
ဒါပေမယ့် တဖြည်းဖြည်း လေ့ကျင့်ယူသင့်ပါတယ်။
တကယ်အကျိုးရှိ တဲ့ အလေ့အကျင့်မို့ပါ။

သင်ငယ်ငယ်တုန်းက အရှက်ရခဲ့တဲ့ အဖြစ်အပျက်
တစ်ခု ခေါင်းထဲမှာ ရှိနေသေးလား။ အဲ့ဒီ အဖြစ်
အပျက်ကို စဉ်းစားလိုက်ရင် ဘာဖြစ်လေ့ရှိလဲ။
ရှက်လာပြီး နေရထိုင်ရခက် ဖြစ်လာတယ် မဟုတ်
လား။ တကယ်တမ်းစဉ်းစားကြည့်ရင် အဲ့ဒီအဖြစ်
အပျက်က အခု မရှိတော့ပါဘူး။ အဲ့ဒီ အဖြစ်အပျက်
က ပြီးဆုံးသွားပါပြီ။ သင့်ဘဝအပေါ် သက်ရောက်မှု
လည်း မရှိနိုင်တော့ပါဘူး။ ပြောင်းလဲယူလို့လည်း
မရတော့ပါဘူး။ ဒါပေမယ့် သင်စဉ်းစားတိုင်း သင့်ကို
အဲ့ဒီအဖြစ် အပျက်က သင့်ကို ဒုက္ခပေးပါတယ်။
တကယ်တော့ သင်က အဲ့ဒီ အဖြစ်အပျက်ကို
နောက်တစ်ကြိမ် ခေါင်းထဲမှာ ဖန်တီးလိုက်တာပါ။
မရှိတော့တဲ့အရာကို ပြန်ပြီးဆွဲခေါ်ကာ ပါဝါပေးလိုက်
တာပါ။ သင်သာ မစဉ်းတော့ရင် လုံးဝကို အသက်မဲ့
နေတဲ့ အရာပါ။ သင်မကိုင်ထားပဲ အောက်ချထား
လည်းရတဲ့ ဖန်ခွက်တစ်ခုပါ။ သင့်အနေနဲ့ အဲ့ဒီအရာ
တွေကို ဆုပ်ကိုင်မထားဖို့ပဲ လိုအပ်ပါတယ်။ ဒါဟာ
ဥပမာပဲ ဖြစ်ပြီး အခြားအရာတွေလည်း အများကြီးရှိ
ပါသေးတယ်။ ဥပမာ ရည်းစားဟောင်းကြောင့်
အအိပ်ပျက်၊ အစားပျက်ဖြစ်တာမျိုး၊ အရင်ကမှားခဲ့
ဖူးတဲ့အရာတစ်ခုကြောင့် စိတ်လေနေတာမျိုး စသဖြင့်
ပါ။ ဒါတွေဟာ တကယ်တော့ အတိတ်ကြီးကို
မကောင်းမှန်း သိရက်နဲ့ ဆုပ်ကိုင် ထားတာပါ။
ညောင်းမှန်းသိရက်နဲ့ ဖန်ခွက်ကြီးကို ကိုင်ထားတာနဲ့
အတူတူပါပဲ။ အဲ့ဒီ ဖန်ခွက်ကို အောက်ချဖို့ သင့်မှာ
အစွမ်းရှိပါတယ်။ မကောင်းတဲ့ အတိတ်တွေနဲ့ မငြိ
တွယ်အောင် ရုန်းထွက်ဖို့ သင့်မှာ အစွမ်းရှိပါတယ်။
သင်လုပ်ကြည့်ဖို့ပဲ လိုအပ်တာဖြစ်ပါတယ်။

ဘဝမှာ ပြဿနာတွေ၊ မလှတဲ့အတိတ်တွေ ကြုံတဲ့
အခါ အမြဲခေါင်းထဲမှာ ထည့်မထားဖို့လိုပါတယ်။
တွေးသင့်တဲ့အခါတွေး၊ ပူသင့်တဲ့အခါပူပြီးရင် ပျော်
သင့်တဲ့အခါ ပျော်ပါ။ လူ့ဘဝဟာ တကယ် တော့
အများဆုံးနေရရင် ရက်ပေါင်း ၃၀၀၀၀ ခန့်ပဲ ရှိပါ
တယ်။ အဲ့ဒီ ထဲက ဘယ်နှစ်ရက်လောက်ကိုများ
ဖန်ခွက်ကြီး ကိုင်ပြီး သင်နေခဲ့ ပြီးပြီလဲ။ ကိုယ့်ကိုယ်
ကိုယ် ဘာ့ကြောင့် မပျော်လဲမေးခွန်းတွေ များစွာ
တော့ သင်မေးခဲ့ပြီး သင့်လက်ထဲက ဖန်ခွက်ကြီး
ကိုရော ခဏ လောက်ဖြစ်ဖြစ် ချခဲ့ဖူးပါသလား၊
ဒီစာလေး ဖတ်ပြီးရင် ပြန်စဉ်းစားပါ။ မနက်ဖြန်
သင်သေမယ်ဆိုရင် သင်အခုတွေးနေတဲ့ ပြဿနာ
ကို တွေးအုံးမှာလား၊ တကယ်တော့ မနက်ဖြန်ဆို
တာ မသေချာပါဘူး။ လူတွေဟာအမြဲတမ်း သေဆုံး
နေပါတယ်။ ကျွန်တော်ကတော့ ဖန်ခွက် ကြီးကိုင်ပြီး
မချိမလှ မသေချင်ပါဘူး။ ကျွန်တော်လည်း သာမန်လူ
မို့  ဒေါသထွက်ပါတယ်။ စိတ်အနှောက်အယှက်
ဖြစ်တတ်ပါတယ်။  ဒါပေမယ့် အတတ်နိုင်ဆုံး အဲ့ဒီ
မကောင်းတဲ့ အရာကြီးကို အကြာကြီး ဆုပ်ကိုင်
မထားမိအောင် ကြိုးစားပါတယ်။ ဒီနေ့ကစပြီး
သင်လည်း ဖန်ခွက်ကြီးကို အညောင်းခံပြီး
အကြာကြီး မကိုင်ထားနဲ့တော့နော်။

"လက်ဆောင်"မှ အခန်း(၁၂)ကို ပြန်လည်ဖော်ပြ
ထားခြင်းဖြစ်ပါတယ်။ "လက်ဆောင်"စာအုပ်မဝယ်
ရသေးသူများအတွက် ပဉ္စမအကြိမ် ထုတ်ဝေပေး
ထားပါတယ်။ city mart, ocean နဲ့ စာအုပ်ဆိုင်
ကြီးတွေမှာ ရရှိနုိုင်ပါတယ်။

#မိုးရှင်း (I.M.T) #လက်ဆောင်