🌼🌼🌼ဘုရားနဲ့နီးချင်​ရင်​🌼🌼🌼 ဘုရားနဲ့ နီးချင်ရင် လိုက်နာကျင့်သုံးရမဲ့ အရည်အသွေး ( ၉) မျိုး ရှိပါတယ်

🍃မင်္ဂလာရှိသောမင်္ဂ​လာနေ့မြတ်​ပါ🍃
🌼🌼🌼ဘုရားနဲ့နီးချင်​ရင်​🌼🌼🌼
ဘုရားနဲ့ နီးချင်ရင် လိုက်နာကျင့်သုံးရမဲ့ အရည်အသွေး ( ၉) မျိုး ရှိပါတယ်

(၁) အဘိဇ္ဈာ ကင်းရမယ် ။

(၂) စွဲလမ်းစိတ် ကင်းရမယ်။

(၃) အမျက်ဒေါသ ကင်းရမယ် ။

(၄) အဖျက်စိတ်ထား ကင်းရမယ် ။

(၅) သတိရှိရမယ် ။

(၆) အသိဥာဏ်ရှိရမယ် ။

(၇) သမာဓိ ရှိရမယ် ။

(ဂ) စိတ်ဓာတ်ခိုင်မာမှု ရှိရမယ် ။

(၉) ဣနြေ္ဒစောင့်စည်းမှု ရှိရမယ် ။

                     ❄  သင်္ဃာဋိကဏ္ဏသုတ္တန်❄

(၁) အဘိဇ္ဈာကင်းရမယ်

       သူတပါးရဲ့ ပိုင်ဆိုင်မှုကို မတော်မတရား မလိုချင်ရဘူး ၊ အလကား မလိုချင်ရဘူး ။ ကာမဂုဏ်အာရုံတွေကို တွေးတောကြံစည်မနေရဘူး ။ ကာမဂုဏ်ခံစားဖို့ပဲ စိတ်ကူးမနေရဘူး ။ ကုသိုလ်အာရုံတွေကိုပဲ တွေးတောကြံစည် နေရမယ် ။ကုသိုလ်ပြု ဖို့ပဲ စိတ်ကူးနေရမယ် ။

(၂) စွဲလမ်းစိတ်ကင်းရမယ်

         ကာမစိတ် အားမကြီးရဘူး ။ အချစ်စိတ် မလွဲမှားရဘူး ၊ သံယောဇဉ် မလွန်ကဲရဘူး ။ စည်းနဲ့ဘောင်နဲ့ ခံစားတာမျိုးပဲ ဖြစ်ရမယ် ။ သူ့အချိန်နဲ့သူ ၊ သူ့အကန့်နဲ့သူ သာယာတာမျိုးပဲ ဖြစ်ရမယ် ။ သက်ရှိ ၊ သက်မဲ့ ဘယ်အရာ ကိုမဆို အချိန်မရွေး ၊ နေရာမရွေး စွန့်လွှတ်နိုင်စွမ်း ရှိရမယ် ။

(၃)  အမျက်ဒေါသ ကင်းရမယ်

          သည်းခံခွင့်လွှတ်နိုင်စွမ်း ရှိရမယ် ။ မေတ္တာတရား ကြီးမားရမယ် ။ ထစ်ခနဲရှိ စိတ်တိုတာမျိုး ၊ ထစ်ခနဲရှိ စိတ်ညစ်တာမျိုး လုံးဝ မဖြစ်စေရဘူး ။   ကိုယ့်ကြောင့် သူတစ်ပါး စိတ်ဆင်းရဲအောင် မလုပ်ရဘူး ။ ကိုယ့်ကြောင့် သူတစ်ပါး စိတ်ချမ်းသာအောင် လုပ်ရမယ် ။

(၄) အဖျက်စိတ်ထား ကင်းရမယ်

          သူတစ်ပါး ပျက်စီးရာ ပျက်စီးကြောင်းကို ဘယ်တော့မှ မကြံစည်ရဘူး ။ သူတစ်ပါး ပြည့်စုံရာ ပြည့်စုံကြောင်းကိုပဲ အမြဲကြံစည်ရမယ် ။ သူတစ်ပါးကို ကူညီချင်တဲ့စိတ် ထက်ထက်သန်သန် ရှိရမယ် ။ အပြု စိတ်ထား အားကောင်းရမယ် ။

(၅) သတိရှိရမယ်

            မလုပ်သင့်တာ မလုပ်ဖို့ ၊ လုပ်သင့်တာ လုပ်ဖို့ အမြဲ နိုးကြားနေရမယ် ။ လုပ်သမျှ  အလုပ်တိုင်းဟာ ဦးတည်ရာပန်းတိုင်နဲ့ ဆီလျော်နေရမယ် ။ ဘာဝနာ အာရုံတစ်ခုခု စိတ်အစဉ်မှာ ထင်ရှားနေရမယ် ။

(၆) အသိဥာဏ်ရှိရမယ်

             အမှားအမှန်ကို ဆင်ခြင်နိုင်ရမယ်။ လုပ်သင့် ၊ မလုပ်သင့်ကို ခွဲခြားနားလည်ရမယ် ။ ကိုယ်ယူထားတဲ့ ဘာဝနာအာရုံရဲ့ သဘောသဘာဝကို ပိုင်ပိုင်နိုင်နိုင် သဘောပေါက်ရမယ် ။

(၇) သမာဓိရှိရမယ်

           အာရုံတိုင်းမှာ စိတ်ကောင်းထားနိုင်ရမယ်။ ဘယ်အာရုံနဲ့တွေ့တွေ့ စိတ်တည်ကြည်မှု ၊ စိတ်အေးချမ်းမှု ၊ စိတ်ကြည်လင်မှု ၊ စိတ်စုစည်းမှု ရှိရမယ် ။ ဘယ်အလုပ်ကိုမဆို သပ်စပ်ရပ်ရပ် ၊ စေ့စေ့စပ်စပ် လုပ်ရမယ် ။

(၈) စိတ်ဓာတ်ခိုင်မာမှု ရှိရမယ်

           အကောင်းအာရုံနဲ့ပဲ ကြုံကြုံ ၊ အဆိုးအာရုံနဲ့ပဲ ကြုံကြုံ   မတုန်လှုပ်ရဘူး ။ ဘယ်လို အဖြစ်အပျက်မျိုးကိုမဆို လေးနက်တဲ့စိတ် ၊ ရင့်ကျက်တဲ့စိတ်နဲ့ တုံပြန်နိုင်စွမ်း ရှိရမယ် ။

(၉) ဣနြေ္ဒစောင့်စည်းမှု ရှိရမယ်

           မျက်စိ ၊ နား ၊ နှာ ၊ လျှာ ၊ ကိုယ် ၊ စိတ် ဆိုတဲ့ ဣနြေ္ဒခြောက်ပါးနဲ့ ပတ်သက်ပြီး လောဘ ၊ ဒေါသ စတဲ့ ကိလေသာ မဖြစ်စေရဘူး ။ ဘယ်အာရုံမှာမဆို စိတ်ဆိုး စိတ်ယုတ် ၊ စိတ်ပုတ် စိတ်ညံ့ ၊ စိတ်ရှုပ် စိတ်နောက် ၊ စိတ်ညစ် စိတ်မည်း လုံးဝ မဖြစ်စေရဘူး ။ အာရုံတိုင်းမှာ စိတ်ကောင်း စိတ်မြတ် ၊ စိတ်ကြည် စိတ်သန့် ၊ စိတ်ရှင်း စိတ်အေး ၊ စိတ်လှ စိတ်ဖြူ  ပဲ ဖြစ်စေရမယ် ။

      အခု ပြောခဲ့တဲ့ အရည်အသွေး ကိုးမျိုး ကို မှတ်လို့လွယ်အောင် အုပ်စုနှစ်စု ခွဲမှတ်လိုက်ပေါ့ ။ ကင်း အုပ်စုနဲ့ ၊ ရှိ အုပ်စု ။ ကင်း အုပ်စု မှာ ကင်းလေးကင်း ရှိပါတယ် ။ ရှိ အုပ်စု မှာ ရှိငါးရှိ ရှိပါတယ် ။ ကင်းလေးကင်းနဲ့ ရှိငါးရှိ ။

        ကင်းလေးကင်းက အဘိဇ္ဈာကင်း ၊ စွဲလမ်းစိတ်ကင်း ၊ အမျက်ဒေါသကင်း ၊ အဖျက်စိတ်ထားကင်း ။ ရှိငါးရှိ က သတိရှိ ၊ ဥာဏ်ရှိ ၊ သမာဓိရှိ ၊ စိတ်ဓာတ်ခိုင်မာမှု ရှိ ၊ ဣနြေ္ဒစောင့်စည်းမှု ရှိ ။ ရှေ့မှာ နံပါတ်စဉ်တပ်ပြီး ပြောခဲ့တာတွေကို ပြန်ကြည့်လိုက်ပါ ။ စိတ်ထဲမှာ ရှင်းပြီး စွဲမြဲသွားပါလိမ့်မယ် ။ မှတ်ရသားရတာ အရမ်းကို လွယ်ကူသွားပါလိမ့်မယ် ။

       ကင်းလေးကင်းနဲ့ ရှိငါးရှိ ဆိုတဲ့ အရည်အသွေး ကိုးမျိုး ပြည့်စုံအောင် ကြိုးစားကြခြင်းဖြင့် ဓမ္မမိတ်ဆွေများအားလုံး ဘုရားနဲ့ နီးတဲ့သူတွေ ဖြစ်အောင် ကြိုးစားအားထုတ်နိုင်ကြပါစေ ။ ကြိုးစားအားထုတ်နိုင်ကြတဲ့အတိုင်းလည်းပဲ မိမိတို့ ရည်မှန်းတောင့်တတဲ့ ဗောဓိဥာဏ်နဲ့တကွ နိဗ္ဗာန်ချမ်းသာကို လျှင်မြန်စွာ မျက်မှောက်ပြုနိုင်ကြပါစေ။

အရှင်ဆန္ဒာဓိက (ရွှေပါရမီတောရ)
Fri..3.3.2017
K.Z.M
တရား ဓမ္မ ဒါနပြန်​လည်းမျှ​ဝေပါသည်​။