လူ့ဘဝရလာရင်

လူ့ဘဝရလာရင်

အရေးအကြီးဆုံး နံပါတ်တစ်က
ကုသိုလ်ဖြစ်အောင် စိတ်ကို ပြုပြင်တတ်ဖို့။
စိတ်မထားတတ်ရင် ကုသိုလ်မဖြစ်ဘူး။
စိတ်ထားတတ်မှ ကုသိုလ်ဆိုတာ ဖြစ်တယ်။

အကုသိုလ်ဆိုတာကတော့
သံသရာက အကျင့်ပါနေသည့်အတွက်ကြောင့်
လွယ်လွယ်လေးနဲ့ ဖြစ်တယ်။

လူတွေရဲ့ သန္တာန်မှာ
မြင်စရာအာရုံလေးတစ်ခုကို မြင်လိုက်ရင်
လောဘနဲ့ နှစ်သက်တယ်။
ဒေါသနဲ့ မုန်းတီးတယ်။
မောဟနဲ့ အမှန်ကို မသိလိုက်ဘူး။
ဒီလိုမြင်မှုကို အကြောင်းပြုပြီးတော့
အကုသိုလ်စိတ်တွေပဲ ဖြစ်တယ်။

အဲဒီလို
့မြင်သမျှ၊ ကြားသမျှဆိုတဲ့ အာရုံတွေအပေါ်မှာ
လူတွေရဲ့စိတ်မှာ အကုသိုလ်ဖြစ်တဲ့ အကြိမ်တွေကအလွန်ကို များတယ်။

အဲဒီလို အကုသိုလ်ဖြစ်တဲ့ အကြိမ်တွေ
လျှော့ချနိုင်ဖို့ မြင်ကြားသမျှ အာရုံကို
အကြောင်းပြုပြီး
ကိုယ့်ကိုယ်ကို ဆင်ခြင်သုံးသပ်ရမယ်။

အဲဒီလိုဆင်ခြင်သုံးသပ်နိုင်မှုကြောင့်
မြင်ခြင်းကြားခြင်းအပေါ် သတိထားတတ်လာတယ်။

သတိမမူ ဂူမမြင် တဲ့။
သတိမမူဘူးဆိုရင်
ကိုယ့်မျက်စိအောက် ရောက်နေတာပဲဖြစ်စေ
မြင်ချင်မှ မြင်တာ။
အသံပေါ်လာတာဖြစ်စေ ကြားချင်မှ ကြားတာ။

ဒါကြောင့် ပထမဆုံး ကိုယ့်ကိုယ်ကို
မနက်လင်းလာလို့ မျက်စိဖွင့်ကြည့်တဲ့ အချိန်ကစပြီး
တွေးတောမှုအပေါ်
လောဘနဲ့တွေးတဲ့ အတွေးလား၊
ဒေါသနဲ့တွေးတဲ့အတွေးလား၊
အကောင်းအဆိုး ခွဲခြားသိနိုင်စွမ်း မရှိတဲ့ မောဟနဲ့
တွေးတဲ့ အတွေးလားဆိုတာ
သတိမူဖို့ အရေးကြီးတာပေါ့။

မြင်မှု၊ ကြားမှုတွေနဲ့ ပတ်သက်ပြီးလည်း
မြင်တဲ့အာရုံ၊ ကြားတဲ့အာရုံအပေါ်မှာ
ဘယ်လိုစိတ်အခြေအနေတွေ ဖြစ်သလဲဆိုတာကို
သတိထားမိဖို့ လိုအပ်တယ်ပေါ့။

အဲဒီလို သတိမူတဲ့အလုပ်ကိုပဲ
meditation လို့ ပြောတာပါ။
ကမ္မဋ္ဌာန်းအားထုတ်တယ်ဆိုတာ
စိတ်နဲ့လုပ်ရတဲ့ အလုပ်ဖြစ်တယ်။
ခန္ဓာကိုယ်ရဲ့ အနေအထား ဘယ်လိုပဲနေနေ
စိတ်က ဆင်ခြင်စဉ်းစားဖို့ လိုအပ်တယ်ပေါ့။

ဒါကြောင့် မြတ်စွာဘုရားက
စိတ်နဲ့ပတ်သက်လာတဲ့အခါ ဖြူစင်အောင် လုပ်ဖို့ဆိုပြီး ဇာဂရီယာနုယောဂ ဆိုတဲ့ ကမ္မဋ္ဌာန်းကျင့်စဉ်တစ်ခုနဲ့
နိုးနိုးကြားကြား အားထုတ်ဖို့ ဟောထားတယ်။

နေ့အချိန်မှာ လမ်းလျောက်ရင်း ထိုင်ရင်းနဲ့
ကုသိုလ်မဖြစ်အောင် ဆို့ပိတ်တတ်တဲ့
နီဝရဏတရားတွေကို သုတ်သင်ရမယ်။
စင်ကြယ်စေရမယ်လို့ ဆိုတာ။

ညမှာလည်း အိပ်မပျော်သေးတဲ့အချိန်တွေမှာ
ဒီလိုပဲ လုပ်ရမယ်။
မနက်စောစောမှာလည်း ဒီလိုပဲ လုပ်ရမယ်။

နီဝရဏလို့ ခေါ်တဲ့ လောဘနဲ့တွေးတဲ့အတွေးတွေ၊
ဒေါသနဲ့တွေးတဲ့အတွေးတွေ၊
ထိနမိဒ္ဓဆိုတဲ့ အိပ်ချင်ထိုင်းမှိုင်းမှုတွေ၊
ဥဒ္ဓစ္စ ကုက္ကုစ္စ ခေါ်တဲ့ စိတ်ပျံ့လွင့်မှုတွေ၊
စိတ်ပူပန်မှုတွေ၊
ဝိစိကိစ္စာ ခေါ်တဲ့ ဟိုတွေးဒီတွေး တွေးပြီး
စိတ်သောက ဖြစ်ပွားနေမှုတွေ၊
စိတ်ရဲ့အညစ်အကြေးတွေ မဖြစ်ပေါ်လာအောင်
ကောင်းမြတ်တဲ့ အာရုံတစ်ခုအပေါ်မှာ
ဆင်ခြင်တုံတရားနဲ့ နေသွားတာဟာ
ကမ္မဋ္ဌာန်း အားထုတ်တယ်လို့ ခေါ်တာပဲ။

ဒါ လူ့ဘဝ ရလာတဲ့ ပုဂ္ဂိုလ်တိုင်း၊
ကိုယ့်ရဲ့ အကျိုးစီးပွား လိုလားပါတယ်ဆိုတဲ့
ပုဂ္ဂိုလ်တိုင်း၊ ကိုယ့်ကိုယ်ကို ချစ်တဲ့ပုဂ္ဂိုလ်တိုင်း
မလွဲမသွေ လုပ်ကြရမယ့် လုပ်ငန်းတစ်ခု ဖြစ်တယ်။

ဘာဖြစ်လို့တုန်းဆိုရင်
စိတ်ထဲမှာ ပူပန်မှုတွေ၊ သောကတွေ၊
အကုသိုလ်အညစ်အကြေးတွေ လွှမ်းမိုးလာပြီဆိုရင်
ကိုယ့်ရဲ့အနာဂတ်အခြေအနေဟာ
ကောင်းစရာ မရှိလို့ပဲ။

လောဘ၊ ဒေါသ၊ မောဟ စတဲ့
ကိလေသာတွေရဲ့ လွှမ်းမိုးမှုကြောင့်
ဘယ်လိုပဲ အကောင်းမျှော်မျှော်
အကောင်းဖြစ်လာမှာ မဟုတ်ဘူး။

အဲဒီအဆိုးတရားတွေရဲ့ အကျိုးက
အကောင်းဖြစ်မလာသည့်အတွက်ကြောင့်
ဘဝမှာ နိမ့်ကျပြီး နောက်ဆုံးမှာ
ဆင်းရဲဒုက္ခတွေနဲ့ ကြုံကြရတယ်။

ဒါကြောင့် လူ့ဘဝ ရနေတဲ့အခိုက်မှာ
အရေးအကြီးဆုံးက ကုသိုလ်ရဖို့ပဲ။

(ဆရာတော် ဒေါက်တာအရှင်နန္ဒမာလာဘိဝံသ)
Posted by Words of Buddha